გარეთ ბეილი მადრიდის "რეალის" დატოვების შემთხვევაში "ტოტენჰემში" არ დაბრუნდება.

ჩემპიონთა ლიგის ფინალში გატანილი ორი გოლის შემდეგ ბეილმა განაცხადა, რომ მეტი სათამაშო პრაქტიკა ესაჭიროება.

ფეხბურთელის აგენტი ჯონათან ბარნეტი ესპანურ კლუბთან აღნიშნულ საკითხს მიმდინარე კვირაში განიხილავს.

მიუხედავად იმისა, რომ "დეზებს" 2013 წელს განხორციელებული სატრანსფერო შეთანხმების შედეგად ბეილის 85 მილიონ ფუნტად დაბრუნების საშუალება აქვთ, ეს არარეალურად ჟღერს.

ჩრდილო ლონდონურ კლუბს აქვს შანსი, პრემიერ ლიგის მკვიდრების ნებისმიერი მისაღები თანხა გადაფარონ, მაგრამ ბეილს მოქმედი კონტრაქტი "რეალთან" 2022 წლამდე აკავშირებს და ყოველკვირეულად ხელფასის სახით 400 ათას ფუნტს მოითხოვს გადასახადების გარეშე.

BBC Sport-ი გვატყობინებს, რომ ბეილმა და მისმა მრჩეველმა "ბერნაბეუზე" დარჩენა არ გამორიცხეს, მაგრამ უელსელი არ აპირებს ზინედინ ზიდანის გუნდში მეორეხარისხოვანი როლის მორგებას.

როგორც არ უნდა იყოს, უამრავ კლუბს სურს ჩემპიონთა ლიგის ოთხგზის გამარჯვებულის გადაბირება, მაგრამ მხოლოდ რამდენიმე მათგანი თუ შეძლებს მისი ფინანსური მოთხოვნილებების დაკმაყოფილებას.

"მანჩესტერ იუნაიტედს" ბეილს ჯერ კიდევ წინა წლებში უკავშირებდნენ, მაგრამ მის ნაცვლად კლუბმა დიდი ინვესტიცია ჩადო ალექსის სანჩესში, რის შემდეგაც ჟოზე მოურინიომ განაცხადა, რომ შემდეგში სხვა პოზიციების გაძლიერებას ეცდება.

"მანჩესტერ სიტი" თავის აქცენტს რიად მარეზისკენ მიმართავს, ხოლო ამოუცნობი მომავლის მქონე მწვრთნელით დაკომპლექტებულ "ჩელსიში" გადასვლა მიმზიდველ წინადადებად არ უნდა ითვლებოდეს.

ინგლისს მიღმა კი "პარი სენ-ჟერმენს" აქვს ფინანსები ბეილის გადასაბირებლად, ხოლო "ბაიერნი" და "იუვენტუსი" საკმაოდ სახელოვან კლუბებად ითვლებიან იმისათვის, რომ უელსელის შეძენაზე პრეტენზია ჰქონდეთ.

წყარო: bbc.com