როგორც ცნობილი გამოცემა The Independent - იუწყება, მადრიდის "რეალის" ვარსკვლავმა გარეთ ბეილმა საკუთარ თანაგუნდელებს განუცხადა, რომ "იუნაიტედში" სურს თამაში, თუმცა შესაძლებელია ისიც, რომ 28 - წლის ფეხბურთელმა "ოლდ ტრაფორდის" შეთავაზებას არ დაელოდოს და სხვა კლუბის შემოთავაზებებიც განიხილოს.

"იუნაიტედის" მხრიდან ბეილის მიმართ ინტერესი უკვე დიდი ხანია ვრცელდება - მისი შეძენა ჯერ კიდევ სერ ალექს ფერგიუსონს ჰქონდა განზრხული, მაშინ როდესაც ბეილი "საუთჰემპტონის" შემადგენლობაში ირიცხებოდა, ხოლო 2013 წელს სულაც ახლოს იყო გარემარბის გაფორმებასთან, თუმცა გარეთმა "წითელ ეშმაკებს" ესპანეთში თამაში არჩია და ბეილიც "სანტიაგო ბერნაბეუზე" აღმოჩნდა.

თუმცა აღნიშნული გამოცემა იმასაც წერს, რომ "იუნაიტედი" ჯერ კიდევ ფიქრობს ბეილის შეძენის თაობაზე, ეს ინტერესი კი ძალზედ შემცირებულია. "მანჩესტერში" ფიქრობენ, რომ ფეხბურთელის სატრანსფერო ღირებულება და მისი შემდგომი ანაზღაურება, რომელიც "რეალში" 600 000 შეადგენს კვირაში, არის დიდი რისკი, გამომდინარე უელსელის ასაკისა და ტრავმიანობისადმი მიდრეკილების გამო.

გარეთის შეძენის შანსებს კიდევ უფრო ამცირებს, ის რომ "წითლებმა" ზამთარში ალექსის სანჩესი დაიმატეს. ასევე ვრცელდება ინორმაცია, რომ ჟოზე მოურინიო შეტევის ხაზის გაძლიერებაზე კონცენტრირებას არ აპირებს და სხვა პოზიციებს უფრო დიდი ყურადღება დაეთმობა.

თავად ბეილმა ჩემპიონთა ლიგის ფინალის დასრულების შემდეგაც დაანონსა, რომ შესაძლოა ზაფხულში მადრიდული კლუბი დატოვოს.


წყარო: manutd.ru