კიევის ფინალის უდავო გმირმა, შეცვლაზე შემოსულ უელსელ გარეთ ბეილმა, რომელმაც "მერსისაიდელთა" კარში დუბლი შეასრულა, ხოლო ერთი ულამაზესი გოლიც გაიტანა, ჟურნალისტებთან საუბრისას აცხადებს, რომ მას მეტი სათამაშო დროის მიიღება სურს.
ბეილი გახდა ასევე ჩემპიონთა ლიგის ისტორიაში პირველი ფეხბუთელი, რომელმაც ფინალის მატჩში შეცვლაზე შემოსულმა ორი გოლის გატანა შეძლო. ეს აქამდე ტურნირის ისტორიაში ფინალში არავის გაუკეთებია.
"საჭიროა, რომ ყოველ კვირას ვითამაშო. ეს ასე არ ხდებოდა. ზაფხულში მსურს, რომ ჩემ აგენტთან სერიოზული მოლაპარაკებები გავმართო ჩემი მომავლის თაობაზე". - განაცხადა უელსელმა BT Sport - ისთვის მიცემულ ინტერვიუში.
ფეხბურთელის შეძენის მთავარ პრეტენდენტად "მანჩესტერრ იუნაიტედი" სახელდება. გარეთის შეძენით ასევე დაინტერესებულები არიან: მიუნხენის "ბაიერნი", იტალიური "ინტერი", მაურისიო პოჩეტინოს "ტოტენჰემი" და ლონდონის "ჩელსი".
გასულ სეზონში ბეილმა, ყველა ტურნირზე ერთად საერთო ჯამში 39 მატჩი ჩაატარა, მადრიდელთა გულშემატკივარი კი 21 გატანილი გოლით გაახარა. უელსელს პერესის კლუბთან კონტრაქტი 2022 წლამდე აკავშირებს.