ჩემპიონთა ლიგის 2017/18 წლების სეზონის გამარჯვებული მადრიდის "რეალი" გახდა. სამეფო კლუბმა კიევში ოლიმპიურ სტადიონზე ინგლისურ "ლივერპულს" ანგარიშით 3-1 სძლია და ევროპის საუკეთესო ტურნირი ზედიზედ მესამედ მოიგო.
შეხვედრაში სრულად მიიღო მონაწილეობა მადრიდელთა სუპერვარსკვლავმა კრიშტიანო რონალდომ, თუმცა პორტუგალიელმა ამჯერად თავის გამოჩენა ვერ შეძლო.
შეხვედრის დასრულების შემდეგ, რონალდომ ჟურნალისტებისთვის მიცემულ ინტერვიუში, მადრიდელთათვის შოკისმომგვრელი განცხადება გააკეთა და დაანონსა, რომ მომავალი სეზონიდან სხვა კლუბის მაისურს მოირგებს. გთავაზობთ ციტატას რონალდუს ინტერვიუდან.
"მადრიდის "რეალში" ძალიან კარგი დრო გავატარე. უახლოეს დღეებში გულშემატკივრისათვის განმარტებებს გავაკეთებ, ისინი ყოველთვის გვერდში მედგნენ და მხარს მიჭერდნენ. დღეს ჩვენ კიდევ ერთხელ დავწერეთ ისტორია, ჩვენ უნდა ვისარგებლოთ და სიამოვნება მივიღოთ ამ მომენტით.
მწვრთნელებისა და ფეხბურთელების მომავალზე საუბარი ამ მომენტში მნიშვნელოვანი არ არის. ვნახოთ რა მოხდება". - ციტირებს პორტუგალიელის სიტყვებს - Marca.
შეგახსენებთ, რომ მსოფლიოს 5 გზის საუკეთესო ფეხბურთელის შეძენით მისი ყოფილი კლუბი "მანჩესტერ იუნაიტედი" ინტერესდება. სწორედ "ოლდ ტრაფორდიდან" გადაბარგდა დიდებული შვიდიანი "სანტიაგო ბერნაბეუზ" 2009 წელს იმ დროისთვის რეკორდულ ფასად. მადრიდელთა შემადგენლობაში ლეგენდარულ ფეხბურთელმა 438 მატჩში 450 გოლის გატანა შეძლო.