მიუხედავად იმისა, რომ გასულ სეზონში "მანჩესტერ იუნაიტედმა" ვერცერთ ტურნირზე წარმატებას ვერ მიარწია, მაინც შეიძლება ითქვას, რომ 2017/18 წლების სეზონი კლუბისთვის წარმატებული გამოდგა, ვინაიდან ბოლო ხუთი წლის მანძილზე კლუბმა ყველაზე მეტი ქულა და მაღალი პოზიციის მოპოვება შეძლო პრემიერ ლიგაში.
ჟოზე მოურინიოს შეგირდებმა გასულ სეზონში, ჯამში 56 მატჩში მიიღეს მონაწილეობა და 101 გოლის გატანა შეძლეს, რომელთა შორისაც გამოირჩეოდა მარკუს რეშფორდის გატანილი გოლი "ლივერპულის" კარში, ასევე ხუან მატას მიერ შესრულებული საჯარიმო "ლესტერის" წინააღმდეგ, ჯესი ლინგარდის სოლო რეიდი "უიტფორდთან" მატჩში, ნემანია მატიჩის სამ ქულიანი გასროლა ბოლო წამებზე "კრისტალ პალასის" კარში და ენტონი მარსიალის აუღებელი დარტყმა "ევერტონთან" შეხვედრაში.
"იუნაიტედის" ოფიციალურმა საიტმა გამოაქვეყნა ვიდეო, რომელშიც ზემოთ აღნიშნული ხუთი გოლის გარდა კიდევ მოხვდა რამოდენიმე ლამაზი და ეფექტური გოლი "წითელი ეშმაკების" შესრულებით.