სპორტული წყაროები "მანცესტერ იუნაიტედის" ფრანგი ნახევარმცველის პოლ პოგბას გუნდიდან წასვლის შესახებ ისევ წერენ. მოგეხსენებათ, პოგბას კონფლიქტი ქონდა "წითელი ეშმაკების" პორტუგალიელ თავკაც ჟოზე მოურინიოსთან. სწორედ ეს სახელდება პოლის გუნდიდან წსავლის მიზეზად.

ფრანგის შეძენის მთავარ პრეტენდენტად ესპანური გრანდი მადრიდის "რეალი" სახელდება. დიდია ასევე ჟოზე მოურინიოს ინტერესი პერესის გუნდის გერმანელი ვარსკვლავის ტონი კროოსის მიმართ.

სავარაუდოა, რომ კლუბებმა ფეხბურთელები ერთმანეთში გაცვალონ. "წითელი ეშმაკები" ალტერნატიულ ვარიანტსაც სთავაზობენ მადრიდელებს, იმ შემთხვევაში თუ გაცვლა არ მოხდა, ზიდანის გუნდს ტონის ნაცვლად დიდ თანხას შესთავაზებენ.

პოლ პოგბამ გასულ სეზონში "იუნაიტედის" შემადგენლობაში ყველა ტურნირზე ერთად 41 - მატჩში მიიღო მონაწილეობა, გაიტანა 7 გოლი და 12 საგოლე გადაცემაც შეასრულა.

კროოსის მონაგარს რაც შეეხება, გერმანელმა 48 თამაშში საკუთარი აქტივი 5 გოლით და 8 საგოლე გადაცემით გაამდიდრა.



წყარო: ukrainefootball.net

გსურთ კროოსი პოგბას სანაცვლოდ?

დიახ

არა

ხმის მიცემა შედეგები