ბრაზილიელ ფეხბურთელი ფრედი, რომლის "მანჩესტერ იუნაიტედში" ტრანსფერის შესახებ თითქმის უკვე ყველა ინგლისური სპორტული გამოცემა აქტიურად იწერება, პირველად ალაპარაკდა მედიასთან საკუთარი მომავლის შესახებ და განაცხადა, რომ "იუნაიტედი" მისით ძალიან დაინტერესებულია.
"ზამთრის სატრანსფერო ფანჯარაზე "მანჩესტერ სიტის" მხრიდან იყო გარკვეული შემოთავაზება, რომლის შემდეგაც თითქმის ამ კლუბში გადავედი. ზამთარში ასევე "შახტარს" კიდევ ერთ "მანჩესტერულმა" კლუბმა "იუნაიტედმა" მიმართა ჩემს თაობაზე. თუ არ ვცდები დღევანდელ დღესაც "მნჩესტერ იუნაიტედის" ინტერესი ჩემდამი ძალიან დიდია.
ამ მომენტში კონცენტრირებული მხოლოდ მსოფლიო ჩემპიონატზე ვარ, ჩემი აზრები მხოლოდ ამ ტურნირის შესახებ ტრიალებს, დანარჩენზე აგენტები იზრუნებენ. უბრალოდ მსურს, რომ ჩემი საქმე კარგად გავაკეთო მოედანზე, მოედნის გარეთ კი სატრანსფერო საკითხებზე ჟილბერტო სილვა იმუშავებს. ჩემი წარმომადგენლები ჩემი ინტერესების დაკმაყოფილებისთვის ყველაფერს აკეთებენ. ალბათ მსოფლიო ჩემპიონატის შემდეგ გავაკეთებ იმ არჩევანს რომელიც ჩემთვის მნიშვნელოვანი იქნება". - განაცხადა დასასრულს ფრედმა, ეროვნული ნაკრების პრეს - კონფერენციაზე რიო დე ჟანეიროში.
ფეხბურთელის ამჟამინდელი კლუბის "შახტარის" პრეზიდენტმა რინატ ახმეტოვმა ასევე ისაუბრა ფრედის მომავალზე, რაც ცხადყოფს იმ ფაქტს, რომ პრეზიდენტი ფრედის სანაცვლოთ შესაბამის ანაზღაურებას ელოდება.
"თქვენ იცით, რომ ზამთარში "მანჩესტერ სიტის" მხრიდან იყო შემოთავაზება ფრედის შესახებ, შემოთავაზება რომელსაც თან ახლდა შთამბეჭდავი სატრანსფერო თანხა. მათ დაახლოებით 50 მლიონი ევრო შემოგვთავაზეს თუმცა გამომდინარე იქიდან, რომ ჩემპიონთა ლიგაზე ვასპარეზობდით და ასევე უკრაინის ჩემპიონატი დასრულებული არ იყო, საჭიროდ მივიჩნიეთ ფრედი ჩვენთან დარჩენილიყო. საბოლოო ჯამში უკრაინის თასი და ჩემპიონატი მოვიგეთ.
პრინციპულად ჩვენი გადაწყვეტილება იყო სწორი. დარწმუნებული ვარ, რომ ფრედის თაობაზე მივიღებთ უკეთეს შემოთავაზებას ვიდრე ეს ზამთარში "სიტიმ" გააკეთა. - ციტირებს Manchester Evening News - "შახტარის" პრეზიდენტის სიტყვებს.