"მანჩესტერ იუნაიტედი" დაანონსებულ ტრანსფერს მალე გააოფიციალურებს. "შახტარის" ბრაზილიელი ნახევარმცველი ფრედი სულ მალე მოირგებს "წითელი ეშმაკების" მაისურს.
მხარეებმა ტრანსფერის თაობაზე მოლაპარაკებები წარმატებით დაასრულეს და სარანსფერო ფასზე 50 მილიონ ევროზეც შეთანხმდნენ. - იუწყება - იტალიელი ჟურნალისტი ჯანლუკა დი მარციო.
ცნობილია ასევე ისიც, რომ "წითელ ეშმაკებმა" უარი თქვეს იტალიური "ლაციოს" ჰავბეკის სერგეი მილინკოვიჩ სავიჩის ტრანსფერზე. მიზეზად ფეხბურთელის კოლოსალური ფასი 100 მილიონი ევრო სახელდება, რომლის გადახდასაც "ოლდ ტრაფორდის" მესვეურები სერბ ფეხბურთელში არ აპირებენ.
აქამდე ვრცელდებოდა ინფორმაციები თითქოს "შახტარი" 25 - წლის ვარსკვლავს 60 მილიონ ევროზე ნაკლებ ფასად არ დათმობდა, თუმცა როგორც ჩანს უკრაინული მხარე დათმობაზე წავიდა და "იუნაიტედის' გულშემატკივარი მომავალი სეზონიდან ბრაზილიელს წითელ მაისურში იხილავს.