ალექსის სანჩესმა აღიარა, რომ "მანჩესტერ იუნაიტედში" გადასვლის შემდეგ ჟოზე მოურინიოს სათამაშო სტილთან შეგუება გაუჭირდა.

ჩილელმა ფეხბურთელმა ვერავითარი გავლენის მოხდენა ვერ შეძლო ინგლისის თასის ფინალში "იუნაიტედის" მარცხზე და ფაქტიურად, იგი მხოლოდ იშვიათად ბრწყინავდა მატჩებში. 18 შეხვედრაში მან მხოლოდ 3 გოლი გაიტანა ხშირად პერიფერიული თამაშით გამოირჩეოდა.

"ყველა მატჩში, რომელშიც ვითამაშე, მიჭირდა ჩვენს სათამაშო სტილთან შეგუება და ჩემს თანაგუნდელებს ჯერ კიდევ ვეცნობი," - განაცხადად სანჩესმა.

"ჩელსისთან" წაგება ნიშნავს, რომ "იუნაიტედმა" სეზონი უტიტულოდ დაასრულა, მაგრამ სანჩესი ოპტიმისტურად არის განწყობილი.

"მჯერა, რომ "იუნაიტედი" ნამდვილად დიდი კლუბია მსოფლიოში და უფრო დიდი ინგლისში, სადაც საუკეთესოა. მათ ყოველთვის სურთ გამარჯვება და ყველა ფრონტზე ბრძოლა, რაც მიზეზია ჩემი აქ გადმოსვლისა.

"ბარსელონაშიც" მყავდა რამდენიმე დიდებული თანაგუნდელი, ვისაც უდიდესი გამოცდილება ჰქონდა. ვფიქრობ, "იუნაიტედიც" მსგავსია კლუბის მასშტაბისა და მნიშვნელობის მხრივ. თუმცა, ჯერ კიდევ გვაქვს გარკვეული ასპექტები გასაუმჯობესებელი და ეს დღითი დღე, მატჩიდან მატჩამდე უნდა შევძლოთ. ყველა ასპექტში უნდა მოვუმატოთ."

წყარო: theguardian