"ტოტენჰემი" უმთავრეს სამიზნედ ისახავს კიდევ ერთი სპეციალისტი თავდამსხმელის შეძენას ჰარი კეინისთვის კონკურენციის გასაზრდელად, რაც ბოლო 2 საზაფხულო სატრანსფერო ფანჯრის დროს ვინსენტ იანსენისა და ფერნანდო ლიორენტეს შეძენით არ გამოუვიდა.

"დეზები" იანსენისა და ლიორენტეს გაყიდვას აპირებენ, მაგრამ მაურისიო პოჩეტინო, კლუბის მთავარი მწვრთნელი, მათ ჩასანაცვლებლად საჯარიმოდან შორს მოქმედი ცენტრალური ფორვარდის შეძენას აპირებს.

პოჩეტინოსთვის რთული გამოდგა ისეთი ფეხბურთელის შეძენა, რომელიც კეინის კონკურენციის გამოწვევას მიიღებდა და ბოლო ორი მოთამაშე, ვინც ეს უარყო, "ჩელსის" სარეკორდო შენაძენი ალვარო მორატა და "ბორნმუთის" შემტევი ჯოშუა კინგი გახლავთ.

სწორედ ამიტომ, პოჩეტინო აპირებს ისეთი ფორვარდის დამატებას, რომელსაც ფლანგზე და ნომერ 10-ს პოზიციაზე შეუძლია თამაში, ენტონი მარსიალი კი ამ სიას ლიდერობს.

"ტოტენჰემს" 2015 წელსაც სურდა მარსიალის გადაბირება, მაგრამ ფრანგმა მაშინ "მონაკოდან" "ოლდ ტრაფორდზე" გადასვლა ამჯობინა. ლონდონელებს იმედი აქვთ, რომ "იუნაიტედი", რომელიც "დეზების" ცენტრალური მცველით, ტობი ალდერვეირელდით ინტერესდება, მზად იქნება ზაფხულში ბიზნესის საკეთებლად, ხოლო მარსიალის ყოველკვირეული 65 ათას ფუნტიანი ხელფასი პრობლემას არ წარმოადგენს.

წყარო: standard