"მილანის" სპორტულმა დირექტორმა მასიმილიანო მირაბელიმ განაცხადა, რომ "მანჩესტერ იუნაიტედის" ნახევარმცველით მისი კლუბი ინტერესდება.

მარუან ფელაინის მოქმედი კონტრაქტი "იუნაიტედთან" ამოეწურა და ახლის გაფორმებას იგი არ აპირებს, რაც გამოწვეულია იმით, რომ მას სხვა შეთავაზებები აქვს სხვა ქვეყნების წარმომადგენლებისგან.

ბელგიელმა გიგანტმა მანჩესტერში თავისი სახლი უკვე გაყიდა და სავარაუდოა, რომ მსოფლიო ჩემპიონატის შემდეგ ინგლისში აღარ დაბრუნდება.

მისით ისეთი კლუბები ინტერესდებიან, როგორიც პსჟ და "მილანია", მაგრამ აქტიურ ქმედებებს ამ ეტაპზე მხოლოდ სერია A-ს კლუბი ახორციელებს.

"ფელაინი? ჩვენთვის მნიშვნელოვანი ფეხბურთელი იქნებოდა. ფაქტიურად არის კიდეც. ვიცით, რომ "იუნაიტედთან" კონტრაქტს არ ახანგრძლივებს, მაგრამ რთულია იმის თქმა, შევიძენთ თუ ვერა.

მას მნიშვნელოვანი პარამეტრები აქვს. ამ მიმართულებით ფრთხილ ნაბიჯებს გადავდგამთ. სანამ რამეს გამოვაცხადებდეთ, ჯერ შეთანხმებას გავაფორმებთ", - განაცხადა "მილანის" სპორტულმა დირექტორმა.

წყარო: gianlucadimarzio.com