"მანჩესტერ იუნაიტედის" გამოცდილმა ვინგ-ბექმა, ეშლი იანგმა თანაგუნდელებს ინგლისის თასის წაგებით გამოწვეული იმედგაცრუების დავიწყებისა და მომდევნო სეზონში გაუმჯობესებისაკენ სწრაფვისკენ მოუწოდა.
"წითლები" "ჩელსის" წინააღმდეგ 1-0 დამარცხდნენ და ხელიდან გაუშვეს ტიტულის მოგების შანსი.
მატჩის შემდეგ იანგმა პირობა დადო, რომ "იუნაიტედის" ფეხბურთელები მარცხს უკან მოიტოვებენ და უფრო ძლიერები დაბრუნდებიან. "ვალდებულები ვართ, უფრო ძლიერები დავბრუნდეთ: ძლიერები ჩემპიონატში, ინგლისის თასზე, ლიგის თასსა და ჩემპიონთა ლიგაზე. ყველა ფრონტზე ბრძოლა გვსურს.
წინ ზაფხული გვაქვს, რომლის განმავლობაშიც წინასასეზონო ტურნეზე უნდა მოვემზადოთ. ტიტულების მოგება გვინდოდა, მაგრამ ეს არ გვეწერა.
მეორე ადგილზე გავედით 81 ქულით. სხვა სეზონში ამდენი ქულით ჩემპიონი გავხდებოდით, მაგრამ არც ეს გვეწერა და ეს სამწუხაროა. ცოტა დრო დასჭირდება ყველაფრის თავის ადგილზე დადგომას და ამიტომ მომდევნო სეზონისთვის ზაფხულში მოვემზადებით."
რაც შეეხება თავად თამაშს, 32 წლის ფეხბურთელს სჯერა, რომ "წითლებს" არ გაუმართლათ შექმნილი მომენტებიდან გამომდინარე. "სამწუხარო დასაწყისი იყო და საბოლოოდ ხელცარიელები დავრჩით. ყველა დაინახავდა მოთამაშეთა რეაქციას მატჩის შემდეგ; არ გვეგონა, რომ დღენვადელ მატჩს წავაგებდით.
აუცილებლად გასატანი მომენტები არ გვქონია, მაგრამ სხვა დროს ასეთი შანსებით გოლი გადის და თამაშსაც იგებ.
მეორე ტაიმში ისინი სულ უკან იხევდნენ, მხოლოდ ჩვენ ვიყავით შეტევაში, მაგრამ გოლი მაინც ვერ გავიტანეთ და ეს იმედს გვიცრუებს."