ჟოზე მოურინიოს მიაჩნია, რომ "მანჩესტერ იუნაიტედს" ინგლისის თასის ფინალში "ჩელსისთან" დამარცხება არ დაუმსახურებია.

"წითლები" "უემბლიზე" გამართულ მატჩში გასული ერთადერთი გოლის შედეგად დამარცხდნენ, რომელიც ედენ აზარმა პენალტის გარდასახვით გაიტანა.

მატჩის შემდეგ "იუნაიტედის" მწვრთნელი სხვადასხვა ტელევიზიის წარმომადგენლებს სხვადასხვა თემაზე ესაუბრა.

"ჩელსის" მოგება არ დაუმსახურებია

"ვულოცავ მათ, რადგან მოიგეს, მაგრამ არ ვფიქრობ, რომ დაიმსახურეს. ვულოცავ, რადგან მე სპორტსმენი ვარ და მათ ერთით მეტი გოლი გაიტანეს, ვიდრე ჩვენ, რის შედეგადაც თასი გადაეცათ. ვფიქრობ, მე უნდა ვაკეთო ის, რაც მევალება - უნდა ვიყო პატივისმცემელი და არა მარტო იმის გამო, რომ ეს ჩემი ყოფილი გუნდია, არამედ იმიტომაც, რომ მათ ტიტული მოიგეს. ვფიქრობ, ჩვენ უფრო დავიმსახურეთ გამარჯვება, ჩვენ უკეთესად ვთამაშობდით, მაგრამ ასეთია ფეხბურთია. სამწუხაროა. მეორე საუკეთესო გუნდი ვიყავით პრემიერ ლიგასა და ინგლისის თასზე, თუმცა მიმაჩნია, რომ ამ უკანასკნელ ტურნირზე საუკეთესონი ვიყავით."

გავიღეთ აბსოლუტურად ყველაფერი, რაც შეგვეძლო

"ცოტა გადატვირთული ვარ დღეს, ხვალ და მომდევნო რამდენიმე დღის განმავლობაში იმისათვის, რომ თქვენი აზრები მოვისმინო ან წავიკითხო. ჩემი აზრი ჩემი გუნდის თამაშის შესახებ გულგატეხილობაა, მაგრამ პირადად ჩემთვის ნაკლებად მტკივნეულია, როცა გასცემ ყველაფერს და სინანულის გარეშე მიდიხარ. ასე რომ, მირჩევნია წავაგო დღევანდელის მსგავსად, ვიდრე ისე, როგორც "ნიუკასლმა" მოგვიგო."

ასე წაგება უმჯობესია

"პირველ ტაიმში აბსოლუტური კონტროლი გვქონდა ყველაფერზე. ჩემი ფეხბურთელებით ძალიან ბედნიერი ვარ და ეს ძალიან მნიშვნელოვანია. მე გავიღე ყველაფერი, რაც შემეძლო და ვიცი, რომ ფეხბურთელებმაც გაიღეს აბსოლუტურად ყველაფერი, რაც შეეძლოთ. ასე წაგება მირჩევნია. მირჩევნია, ჩემი ფეხბურთელებით გამოწვეული პოზიტიური შეგრძნებებით წავაგო, ვიდრე დამწუხრებულმა და სინანულის გრძნობის მქონემ."

ლუკაკუს გარეშე გაგვიჭირდა

"ცოტა რთული იყო ლუკაკუს გარეშე თამაში ისეთი გუნდის წინააღმდეგ, რომელიც ცხრა ფეხბურთელით იცავს თავს. "ჩელსი" სულელი არ არის. მათ იცოდნენ, რომ ლუკაკუსა და ფელაინის გარეშე ფიზიკური უპირატესობა არ გვექნებოდა და რვა თუ ცხრა ფეხბურთელის საჯარიმოს წინ გამწესებით მათ სწორხაზოვან ფეხბურთში უპირატესობა მოიპოვეს. ყველაფერი ვცადეთ სხვა ხერხებით, მაგრამ კომპაქტურად მყოფი ფეხბურთელების უდიდესი ბლოკი ედგათ. ასეთი უპირატესობა კი საჭიროა. ნებისმიერი მარცხი მტკივნეულია, მაგრამ ჩვენ ყველაფერი გავიღეთ. არავითარი სინანული. ისეთი შთაბეჭდილება შემექმნა, თითქოს დე ხეა ბურთს არც კი შეხებია. მხოლოდ მაშინ შეეხო, როცა ბადეში გაეხვა. ჩვენს შემთხვევაში ერთი და იგივე იყო, კარში მე ვიდგებოდი თუ დე ხეა. ვერც მე ავიღებდი პენალტს და ჩემი და დავიდის ყოფნა ერთი და იგივე იქნებოდა."

მარუან ფელაინიც დაგვაკლდა

"სათადარიგოზე ლუკაკუს დატოვება რთული გადაწყვეტილება არ იყო, მისი ფიზიკური მდგომარეობის გამო გამიადვილდა. ვიცნობ მეტოქეს, რომელსაც ვეთამაშებოდი. ვიცი, რომ მათ ძალიან კომპაქტური დაბალი ბლოკი აქვთ ფიზიკურად ძლიერი ფეხბურთელებით, რომლებიც ყველაფერს კეტავენ. ვიცოდი, რომ სამიზნე ადამიანის გარეშე გაგვიჭირდებოდა. ვიცოდი, რომ მინიმუმ ფელაინი გვეყოლებოდა მეორე ხაზიდან, რომელიც მათ დაცვას ფიზიკური ძალის ხარჯზე შეუტევდა. ვიცოდი, რომ გაგვიჭირდებოდა მის გარეშე, მაგრამ არ ველოდი, რომ იქნებოდა ისეთი, როგორიც იყო, რადგან ეს უკვე მეტისმეტი გამოვიდა."

ხანგრძლივი კამპანიის შემდეგ დასვენების დროა

"ახლა რთულია თქვენი აზრების წაკითხვა, რადგან არდადეგებზე მაქვს და ამისთვის უფრო მეტი დრო მექნება. 10 თვე ცხოველივით ვმუშაობდი და სუფთა გონებით მივდივარ. მე ყველაფერი გავიღე, ფეხბურთელებმა ყველაფერი გაიღეს, ბედნიერი ვარ."