"მანჩესტერ იუნაიტედის" მთავარმა მწვრთნელმა ჟოზე მოურინიომ დაადასტურა, რომ ენტონი მარსიალი ინგლისის თასის ფინალში სათამაშოდ მზად არის, მაგრამ რომელუ ლუკაკუს ჯანმრთელობის შესახებ გადაწყვეტილებას ბოლო მომენტში მიიღებს.
ლუკაკუმ, რომელმაც მიმდინარე სეზონში 27 გოლი გაიტანა, გამოტოვა ბოლო სამი შეხვედრა და ეს პერიოდი ბელგიაში გაატარა სამკურნალოდ.
მარსიალმა კი ტრავმა გასულ უქმეებზე "უოტფორდთან" მატჩამდე ვარჯიშზე მიიღო და სეზონის ბოლო შეხვედრაში მისი მონაწილეობა საეჭვო იყო.
როცა ჟურნალისტებმა მოურინიოს პრესკონფერენციაზე დუეტის ჯანმრთელობის მდგომარეობის შესახებ ჰკითხეს, მან უპასუხა: "მარსიალი მწყობრშია, ხოლო ლუკაკუს შემთხვევაში ბოლო მომენტამდე უნდა მოვიცადოთ. არ მინდა, მოგატყუოთ, თითქოს ვერ ითამაშებს და მერე ითამაშოს ან რამე მსგავსი, უნდა დავიცადოთ".