წამყვანი პრესის ფურცლებს, თითქმის ყოველ სატრანსფერო ფანჯრის გახსნისთანავე ტრადიციად ექცათ ის, რომ მადრიდის "რეალის" პორტუგალიელი სუპერვარსკვლავი კრიშტიანუ რონალდუ "იუნაიტედში" ბრუნდება და ტრანსფერსაც ყოველ სატრანსფერო ფანჯარაზე რეალურს უწოდებენ.
აღნიშნულის შესახებ ჰკითხეს "წითელი ეშმაკების" მთავარ მწვრთნელ ჟოზე მოურინიოს, რომელმაც განაცხადა, რომ ეს ინფორმაცია მხოლოდ ჭორის დონეა და რომ მადრიდელები ასეთ ფორმში მყოფ კრიშტიანუ რონალდუს არსად არ გაუშვებენ.
"მე მჯერა, რომ მადრიდის "რეალი" კრიშტიანუ რონალდუს უბრალოდ არ გაყიდის. ეს ტრანსფერი აკრძალულია. ის კლუბში დარჩება მანამ სანამ ჯერ კიდევ ფორმას ინარჩუნებს და ვგონებ ეს კიდევ რამოდენიმე წელი გასტანს. ამის შემდეგ უკვე შესაძლოა პორტუგალიელი ან ამერიკაში ანაც სადმე სხვა ქვეყანაში ვიხილოთ. ამ მომენტში ეს კარი მისთვის დახურულია.
არ ვფიქრობ, რომ მისი შეძენის არანაირი შანსი არ გვაქვს. ყველამ კარგად ვიცით რა ისტორია აკავშირებს რონალდუს ამ კლუბთან, როგორ უყვართ ის აქ და როგორ პატივს სცემს გულშემატკივრები.
მსოფლიოში სულ რამოდენიმე ფეხბურთელი არსებობს რომელსაც არცერთი კლუბი მის რიგებში ყოფნაზე უარს არ ეტყვის". - ციტირებს პორტუგალიელის სიტყვებს Record.