ფრანგი შემტევი ნაკრებში არ გამოიძახეს.
"მანჩესტერ იუნაიტედის" თავდამსხმელი ენტონი მარსიალი მსოფლიო ჩემპიონატზე საფრანგეთის ნაკრების შემადგენლობაში არ იქნება.
22 წლის ფრანგს იანვრის შემდეგ არ გაუტანია გოლი კლუბისა და ნაკრების რიგებში და ორივე მათგანის სასტარტო შემადგენლობაში მოხვედრა უჭირს.
ეს პერიოდი კი სწორედ მაშინ დაიწყო, როცა "ოლდ ტრაფორდზე" ალექსის სანჩესი გადაბარგდა.
მიუხედავად იმისა, რომ სეზონის დასაწყისი ენტონის კარგი ჰქონდა, სამომავლოდ სასტარტო შემადგენლობაში მისი მოხვედრის ალბათობამ უფრო და უფრო იკლო.
შედეგად, ვრცელდება ჭორები, რომ მარსიალი გუნდს დატოვებს და სერია A-ს ჩემპიონ "იუვენტუსს" შეუერთდება, რომელიც თავის მხრივ ალექს სანდროს დათმობს.
თუმცა, სანამ ეს მოხდება, რუსეთში დიდი საფეხბურთო მოვლენა გაიმართება, რომელსაც "იუნაიტედიდან" საფრანგეთის რიგებში მხოლოდ პოლ პოგბა შეუერთდება.
საფრანგეთის ნაკრების შემადგენლობა: მეკარეები: უგო ლორისი ("ტოტენჰემი"), სტივ მანდანდა ("მარსელი"), ალფონს არეოლა (პსჟ)
მცველები: ლუკას ერნანდესი ("ატლეტიკო მადრიდი"), პრესნელ კიმპემბე (პსჟ), ბენჟამინ მენდი ("მანჩესტერ სიტი"), ბენჟამინ პავარი ("შტუტგარტი"), ადილ რამი ("მარსელი"), ჯიბრილ სიდიბე ("მონაკო"), სემუელ უმტიტი ("ბარსელონა"), რაფაელ ვარანი ("რეალი")
ნახევარმცველები: ნ'გოლო კანტე ("ჩელსი"), ბლეზ მატუიდი ("იუვენტუსი"), სტივენ ნ'ზონზი ("სევილია"), პოლ პოგბა ("მანჩესტერ იუნაიტედი"), კორენტინ ტოლისო ("ბაიერნი")
თავდამსხმელები: უსმან დემბელე ("ბარსელონა"), ნაბილ ფეკირი ("ლიონი"), ოლივიე ჟირუ ("ჩელსი"), ანტუან გრიზმანი ("ატლეტიკო"), ტომას ლემარი ("მონაკო"), კილიან მბაპე (პსჟ), ფლორიან თოვინი ("მარსელი")
წყარო:
bbc