"იუნაიტედის" ყოფილი ნახევარმცველი პარკ ჯი-სუნი, რომლის გამძლეობა და უნარი მთელი 90 წუთის განმავლობაში იგრძნობოდა "ოლდ ტრაფორდზე", წარსულს იხსენებს და ჰყვება, რომ ბავშვობაში ის ძალიან სუსტი იყო, რის გამოც მამამ მის მოსაღონიერებლად ეგზოტიკური ხალხური საშუალება გამოიყენა.

პარკის მამა ამის გამო ბაყაყებს ეძებდა, რომლის შემდეგც მათგან "ბაყაყის წვენს" ამზადებდა და პატრა პარკ ჯი-სუნს ასმევდა რათა ბიჭუნა ძლიერი გაზრდილიყო.

"მამაჩემი ყოველთვის ეძებდა ველურ ბაყაყებს. მე ძალიან გამხდარი და სუსტი ვიყავი. მამაჩემმა შეიტყო, რომ ველური ბაყაყების წვენი გაძლიერებაში დამეხმარებოდა. წვენის გემოს რაც შეეხება ეს უბრალოდ საშინელება იყო, თუმცა საჭირო იყო, რომ დამელია რადგან ძალიან მსურდა ფეხბურთელობა.

ხშირად მეუბნებოდნენ, რომ ამისთვის უნდა ვყოფილყავი ძლიერი. ამის შემდეგ მე ვჭამდი ყველაფერს რაც ორგანიზმის მოღონიერებაში მეხმარებოდა". - ციტირებს Daily Mail ყოფილი "მანჩესტერელის" სიტყვებს.

შეგახსენებთ, რომ პარკი გახდა პირველი აზიელი ფეხბურთელი რომელმაც ჩემპიონთა ლიგის მოგება შეძლო და ასევე ინგლისის ჩემპიონობა სამჯერ მოიპოვა "მანჩესტერ იუნაიტედის" შემადგენლობაში.

ამ მომენტში ჯი-სუნი "იუნაიტედის" შემადგენელ ნაწილად რჩება და კლუბის ელჩის თანამდებობაც უკავია.



წყარო: manutd.ru