ბელგიელი ყოფილ გუნდთან დაპირისპირების შანსს ხელიდან არ გაუშვებს.
"მანჩესტერ იუნაიტედის" თავდამსხმელი რომელუ ლუკაკუ ინგლისის თასის ფინალში "ჩელსის" წინააღმდეგ საჭიროების შემთხვევაში ტკივილგამაყუჩებლით ითამაშებს.
აპრილში მიღებული ტრავმის გამო ბელგიელმა სეზონის დასკვნითი ნაწილის მატჩების პრემიერ ლიგაში გამოტოვა და მთელი ამ ხნის განმავლობაში ინტენსიურად ვარჯიშობდა კერინგტონის ბაზაზე.
"იუნაიტედის" მთავარი მწვრთნელი ჟოზე მოურინიო შიშობს, რომ ბელგიელი ფორვარდი ვერ მოასწრებს ისეთ დონეზე გამოჯანმრთელებას, რომ პირველივე წუთებიდან ითამაშოს, მაგრამ თავად ფეხბურთელი უფრო ოპტიმისტურად არის განწყობილი.
ლუკაკუ "იუნაიტედის" შეუცვლელი ფეხბურთელი იყო მთელი სეზონის განმავლობაში და მას უმთავრესი როლი ეკისრება გუნდის შეტევის ხაზში, რის გამოც მისი არყოფნა დიდი დანაკლისი იქნებოდა ინგლისის თასის ფინალურ შეხვედრაში.
Daily Mirror-ი ირწმუნება, რომ სწორედ ამ მიზეზით აპირებს ლუკაკუ საჭიროების შემთხვევაში ტკივილგამაყუჩებლით თამაშს და საკუთარი გუნდის დახმარებას.
დღეს კი გავრცელდა ფოტო, სადაც ლუკაკუ და ერიკ ბაიი ლონდონის ქუჩებში ერთად არიან შემჩნეულნი.
[img]https://i.redditmedia.com/6UTFPS0GXQ0sfceBFwmqg24bXOU2rmWpk2YJ5vdhI5E.jpg?w=510&s=f52b2479cb824fdaf4c0e6e9a7329bdd[/img]