"მანჩესტერ იუნაიტედმა" ზაფხულის სატრანსფერო ფანჯარაზე სიმ ვრსალკოს შეძენა განიზრახა.

მადრიდის "ატლეტიკოს" მარჯვენა მცველი მიმდინარე სეზონში შთამბეჭდავად ასპარეზობს, მაგრამ დიეგო სიმეონეს გუნდი მისი გაყიდვის წინააღმდეგი არ არის, რადგან სხვა პოზიციების გაძლიერება სურს.

ხორვატი ფეხბურთელი მადრიდელებმა 2016 წელს 14.5 მლნ. ფუნტად შეიძინეს და მას 30 მილიონად აფასებენ, რაც თავის მხრივ მისაღები თანხაა "იუნაიტედისთვის", რომელიც მარჯვენა მცველის შეძენით არის დაინტერესებული.

ვრსალკომ მიმდინარე სეზონში 30 მატჩი ჩაატარა და მიუხედავად იმისა, რომ ფიზიკურად არ არის გამორჩეული მოთამაშე, ფლანგზე მისი მოქმედებები ხშირად იწვევს საკუთარი გუნდის სახიფათო შეტევებს.

ჟოზე მოურინიოს ვეტერანი ანტონიო ვალენსიასთვის კონკურენციის გაზრდა სურს, რადგანაც მატეო დარმიანს იტალიის ჩემპიონატიდან შეთავაზებები აქვს და კლუბის დატოვებას გეგმავს.

წყარო: dailymirror