14-05-2018, 12:16

ავტორი: Svanchester,

ნანახია: 1636,

კომენტარები: 8

"ვულვზის" ახალი სატრანსფერო მიზანი

პრემიერ ლიგაში გადმოსულები სატრანსფერო ფანჯარაზე აქტიურობას გეგმავენ.

მოგეხსენებათ, დასრულდა პრემიერ ლიგის 2017/18 წლების სეზონი. ინგლისის პრემიერ ლიგა სამ გუნდმა ოფიციალურად დატოვა, ხოლო ამავდროულად ჩემპიონშიფიდან ტურნირს ამდენივე გუნდი შეუერთდება.

ჩემპიონშიფიდან გადმობარგებული "ვულვზი", ზაფხულის სატრანსფერო ფანჯრის დროს აქტიურობას გეგმავს და ფეხბურთელის გადაბირების თაობაზე "მანჩესტერ იუნაიტედსაც" მიმართავს.

პორტუგალიური "ბენფიკიდან" გადმოსვლის შემდეგ, ვიქტორ ლინდელოფმა "წითელი ეშმაკების" ძირითად შემადგენლობაში ფეხი ნამდვილად ვერ მოიკიდა. ახალგაზრდა მცველი სათადარიგო შემადგენლობის უცვლელ წევრად იქცა.

"მგლები" მას ძირითად შემადგენლობაში უცვლელად სთავაზობენ ადგილს, ხოლო "იუნაიტედს" მის შესახებ აუცილებლად მიმართავენ. სატრანსფერო ფორმას რაც შეეხება, მათ ცენტრალური მცველის გადაბირება არენდის წესით სურთ.