პრემიერ ლიგის ბოლო შეხვედრას "იუნაიტედი" ხვალ, თბილისის დროით 18:00 სთ - ზე, "ოლდ ტრაფორდზე" "უოტფორდის" წინააღმდეგ გამართავს. აღსანიშნავია ისიც, რომ "წითელი ეშმაკების" ვეტერანი ფეხბურთელი მაიკლ კერიკი ხვალ, კარიერას ოფიციალურად დაასრულებს.

"წითელი ეშმაკების" პორტუგალიელი დამრიგებელი ჟოზე მოურინიო, მომავალი შეხვედრისთვის გუნდში როტაციას გეგმავს და შანსს უფრო დასვენებულ ფეხბურთელებს მისცემს.

"რომერო ითამაშებს, მან ეს დაიმსახურა. დე ხეა დაისვენებს. კიდევ რამოდენიმე ფეხბურთელი მიიღებს სათამაშო დროს. ჩვენ მეორე ადგილი პრემიერ ლიგაში გარანტირებული გვაქვს, ხოლო წინ ასოციაციის თასის ფინალია.

კვირას მარსიალი და რეშფორდი ითამაშებენ. თამაშში ჩართვის უფლებას მივცემ ასევე: დეილი ბლინდს, ერიკ ბაიის და ხუან მატას. ჩემ განკარგულებაში თითქმის ყველა ფეხბურთელია, რომელუ ლუკაკუსა და მარუან ლელაინის გარდა.

კერიკი შეხვედრას ძირითად შემადგენლობაში კაპიტნის სამკლაურით დაიწყებს, მას თამაშის მიმდინარეობსას შევცვლი. მსურს კერიკმა მოედანი დატოვოს მარტო და არა შეხვედრის დასრულების შემდეგ ყველასთან ერთად. მან უნდა იგრძნოს გულშემატკივრების განსაკუთრებული დამოკიდებულება მის მიმართ.

ძალიან ვწუხვარ ხოლმე, როდესაც ჩემი ფეხბურთელი კარიერას ასრულებს. თუმცა ის ჩვენტან დარჩება და ჩემთან უფრო ახლოს იქნება. ეს ჩემთვის ემოციური იქნება". - ციტირებს კლუბის ოფიციალური საიტი მოურინიოს სიტყვებს.