ლონდონის "ტოტენჰემის" ბელგიელი მცველი ტობი ალდერვეირელდი ზაფხულში კლუბს აუცილებლად შეიცვლის. ფეხბურთელმა მის ამჟამინდელ კლუბთან ახალი კონტრაქტის გაფორმება არ ისურვა და კარიერაში ახალი გამოწვევების მიღება სურს.

ალდერვეირელდის ერთ -ერთი მსურველი კლუბი ინგლისური გრანდი "მანჩესტერ იუნაიტედია". ჟოზე მოურინიო სხვა პოზიციებთან ერთად, დაცვის ხაზის გაძლიერეასაც გეგმავს. სწორედ ტობი მიეკუთვნება იმ სატრანსფერო სიას რომელიც ჟოზემ ზაფხულისთვის შეადგინა.

Sky Sports - ის ცნობით, პოჩეტინოს ამჟამინდელი შეგირდი მოლაპარაკებებს ახალ კლუბთან მომავალ კვირას გამართავს. უცნობია თუ რომელ კლუბთან სურს ფეხბურთელს ხელშეკრულების გაფორმება, თუმცა ცნობილია იმ გუნდების ვინაობა, ვისაც თავად სურთ მცველის დამატება.

გარდა "იუნაიტედისა", ტობი ალდერვეირელდს ლონდონში აბრამოვიჩის "ჩელსი" ეპატიჟება. ხოლო საფრანგეთიდან "პსჟ" ცდილობს ლუკაკუს თანამემამულის გადაბირებას. არჩევანი თავად ფეხბურთელზეა.


წყარო: euro-football