პრემიერ ლიგის 37 - ტურში, დევიდ მოიესის "ვესტ ჰემი" ჟოზე მოურინიოს "მანჩესტერ იუნაიტედს" დაუზავდა. გუნდებმა შეხვედრა ნულოვანი ფრით დაასრულეს და საკუთარ აქტივს თითო ქულაც შემატეს. მატჩის შემდგომ ტრადიციულად, პორტუგალიელ სპეციალისტმა ჟურნალისტების შეკითხვებს უპასუხა და შეფასებებიც გააკეთა.
"პრემიერ ლიგაში ყველაზე კარგი მეორე გუნდი ვართ. პრემიერ ლიგა არის ფანტასტიკური ტურნირი, რომელიც დაკომპლექტებულია ბევრი კარგი გუნდით და ასევე 6 ჩემპიონობისთვის მებრძოლი კლუბით.
სეზონი მეორე ადგილზე დავასრულეთ, თუმცა არ შემიძლია იმის თქმა, რომ ბედნიერი ვარ, ეს არ არის ჩემი ბუნება და მოწოდება. იმ მომენტიდან როდესაც მივხვდით, რომ პირველი ადგილისთვის ბრძოლა პრაქტიკულად შეუძლებელი იყო, ჩვენი მიზანი გახდა მეორე ადგილისთვის ბრძოლა. ჩვენ ეს შევძელით.
80 - წუთზე ნათელი გახდა, რომ საკმარისი იყო თუნდაც ერთი ქულისთვის გვებრძოლა, სწორედ ამაზე ვიფიქრეთ და თამაშის მიმდინარეობას მშვიდად მივყევით. ახლა ჩვენ ახალი ამოცანა გვაქვს პრემიერ ლიგაში და ეს სეზონის 80 ქულით დასრულებაა". - განაცხადა მოურინიომ ჟურნალისტებისთვის მიცემულ ინტერვიუში.