წინასამატჩო ინფორმაცია გუნდის შესახებ.
ხვალ თბილისის დროით 22:45 სთ - ზე, დევიდ მოიესი "ვესტ - ჰემი" მეორე ადგილისთვის მებრძოლ "მანჩესტერ იუნაიტედს" უმასპინძლებს. წინასამატჩო შეხვედრა ჩაატარა ჟოზე მოურინიომ ჟურნალისტებთან სადაც გუნდის მდგომარეობასა და მზადყოფნაში მყოფ ფეხბურთელებზე ისაუბრა.
მოურინიოს ცნობით, ხვალინდელ შეხვედრას რომელუ ლუკაკლუ და მარუან ფელაინი გამოტოვებენ. ლუკაკუ ასევე გამოტოვებს პრემიერ ლიგის მიმდინარე სეზონის ბოლო მატჩს 13 მაისს, სადაც "ოლდ ტრაფორდზე" "იუნაიტედი" "უოტფორდს" უმასპინძლებს. ბელგიელს ამ დღეს დაბადების დღე აქვს. მოურინიო იმედოვნებს, რომ ლუკაკუ ასოციაციის თასის ფინალს მზადყოფნში შეხვდება რომელიც 19 მაისს გაიმართება.
ლუკაკუს თანამემამულე მარუან ფელაინი წინა ტურში "იუნაიტედის" ძირითად შემადგენლობაში მოგვევლინა. ის მატჩი "წითელ ეშმაკებმა" დათმეს მინიმალური ანგარიშით 1-0. აღნიშნულ მატჩში ფელაინიმ მცირე დაზიანება მიიღო რის შედეგადაც "ჩაქუჩებთან" მატჩს გამოტოვებს. რაც შეეხება ლაზარეთიდან დაბრუნებულებს, პორტუგალიელის ცნობით ფილ ჯონსი და ალექსის სანჩესი სრულ მზადყოფნაში არიან. მოგეხსენებათ ორივე ფეხბურთელმა მცირე ტრავმების გამო წინა ტურის შეხვედრა გამოტოვეს.
"ჩვენ ტრავმირებულებს რაც შეეხება - შეხვედრას მარუან ფელაინი და რომელუ ლუკაკუ გამოტოვებენ. ეს ორი ფეხბურთელი ხვალინდელ შეხვედრაში არ გვეყოლება. ფილ ჯონსი და ალექსის სანჩესი დაგვიბრუნდნენ, აქედან გამომდინარე ჩვენ სხვა პრობლემა არ გვაქვს. ლუკაკუ ბოლო ტურის შეხვედრასაც გამოტოვებს, ფელაინიმ შესაძლოა ის შეხვედრა ითამაშოს, დაველოდოთ მოვლენების განვითარებას".მოურინიომ ასევე განაცხადა, რომ "უოტფორდის" წინააღმდეგ გუნდს, უკანასკნელად უკაპიტნებს მაიკლ კერიკი, რომელიც სასტარტო შემადგენლობაში იქნება.
"კერიკი სასტარტო შემადგენლობაში იქნება "ოლდ ტრაფორდზე" "უოტფორდის" წინააღმდეგ გასამართ მიმდინარე სეზონის პრემიერ ლიგის ბოლო შეხვედრაში, სადაც ის უკანასკნეკლად უკაპიტნებს თავის გუნდს". - ციტირებს კლუბის ოფიციალური ვებ - საიტი მოურინიოს სიტყვებს წინასამატჩო პრესკონფერენციიდან.
წყარო:
manutd.ru