როგორც უკვე მოგეხსენებათ "მანჩესტერ იუნაიტედის" ლეგენდარული ყოფილი დამრიგებელი სერ ალექს ფერგიუსონი ჰოსპიტალიზირებულ იქნა. მას თავის არეში ქირურგიული ჩარევა დასჭირდა კონკრეტულად ტვინში სისხლის ჩაქცევის გამო.

თუმცა ოპერაცია წარმატებით დასრულდა და ლეგენდარული სპეციალისტი თავს შედარებით უკეთ გრძნობს, თუმცა ამის შესახებ ოფიციალური ინფორმაცია ჯერ არ გაჟღერებულა.

სრულიად საფეხბურთო სამყარომ მას მხარდაჭერა გამოუცხადა. გასაკვირი არ იქნება არც ის, რომ მადრიდის "რეალის" სუპერვარსკვლავმა კრიშტიანუ რონალდუმ ფერგიუსონს ღია წერილით მხარადწერა გამოუცხადა.

"შენზე ვფიქრობ და ვლოცულობ ჩემო ძვირფასო მეგობარო. იყავი ძლიერი ბოსს". დაწერა რონალდუმ საკუთარ ტვიტერის გვერდზე.

შეგახსენებთ, რომ სერ ალექს ფერგიუსონი "მანჩესტერ იუნაიტედს" 1986 წლიდან 2013 წლამდე წვრთნიდა. რაც შეეხება ხუთგზის ოქროს ბურთის მფლობელ კრიშტიანუ რონალდუს, ის "ოლდ ტრაფორდზე" 2003 წლიდან 2009 წლამდე ასპარეზობდა.


წყარო: euro-football