ზაფხულში "მანჩესტერ იუნაიტედში" წმენდა იგეგმება. კლუბს აუცილებლად დატოვებს რამოდენიმე ფეხბურთელი. "ოლდ ტრაფორდზე" ასევე ახალი კადრების და ახალი სახეების მოყვანა იგეგმება.

წამსვლელთა სიაშია "წითელი ეშმაკების" მცველი დეილი ბლინდი. ფეხბურთელი მიმდინარე სეზონში ნამდვილად ვერ დაიკვეხნის სათამაშო დროის არსებობით, მეტიც ის უკვე კარგა ხანია "წითლების" სათადარიგო სკამის ფეხბურთელად იქცა.

Daily Mail - ის მტკიცებით, ფეხბურთელის შეძენით აქტიურად ინტერესდება იტალიური კლუბი მილანის "ინტერი". კლუბის წარმომადგენლებმა ფეხბურთელის თაობაზე ინგლისელებს უკვე მიმართეს. ყველაფერი ზაფხულში გადაწყდება.

რაც შეეხება ბლინდის "მანჩესტერულ" კარიერას, ის "ოლდ ტრაფორდს" 2014 წელს შეუერთდა. მიმდინარე სეზონში დეილის მონაგარი მხოლოდ 1 გოლი და ამდენივე საგოლე გადაცემაა.