ერთი რამ ცხადია, "მანჩესტერ იუნაიტდი" ზაფხულის სატრანსფერო ფანჯრის გახსნისთანავე გუნდში მინიმუმ ერთ ახალ ნახევარმცველს აუცილებლად შეიძენს. როგორც ეს დაანონსა "წითლების" პორტუგალიელ თავკაცმა ჟოზე მოურინიომ.

ჟოზემ აქამდე ასევე განაცხადა, რომ შესაძლოა გუნდში ბრაზილიელ ფეხბურთელმაც ითამაშოს. სწორედ ბრაზილიელია დონეცკის "შახტარის" ჰავბეკი ფრედი, რომელიც "ოლდ ტრაფორდის" სამიზნეა.

Daily Mail - ის მტკიცებით, "იუნაიტედი" უკრაინულ კლუბთან მოლაპარაკებებში პროგრესირებს. ასე, რომ შესაძლებელია ფრედმა ზაფხულში "იუნაიტედის" მაისური მოირგოს.

ფრედს გარდა "იუნაიტედისა", არსენ ვენგერის "არსენალიც" უთვალთვალებს. ლონდონელები ასევე ეცდებიან მოლაპარაკებების გამართვას. თუმცა ფეხბურთელის შეძენის მთავარ პრეტენდენტად "მანჩესტერული" კლუბი სახელდება. რაც შეეხება სატრანსფერო თანხას კი 57 - მილიონ ევროს შეადგენს.