ტურინის "იუვენტუსის" მარცხენა მცველ ალექს სანდრომ კარიერა შესაძლოა "ოლდ ტრაფორდზე" გააგრძელოს. არახალია ის ფაქტი, რომ "წითელი ეშმაკები" ფეხბურთელის ტრანსფერზე, ზამთრის სატრანსფერო ფანჯარაზეც მუშაობდნენ, თუმცა ეს ტრანსფერი არ შედგა. დაწყებულის დასრულებას გლეიზერების გუნდი ზაფხულში გეგმავს.
Manchester Evening News - ის ცნობით, "მანჩესტერ იუნაიტედის" მთავარი პრიორიტეტი, ზაფხულის სატრანსფერო ფანჯრის გახსნისთანავე სწორედ "ტურინელთა" მარცხენა მცველი იქნება.
დიდი ალბათობით "იუნაიტედს" მარცხენა მცველი ლიუკ შოუ დატოვებს. სწორედ შოუს ჩაანაცვლებს ალექს სანდრო ახალი სეზონიდან.
მიმდინარე სეზონში "იუვენტუსის" მაისურით 27 - წლის ფეხბურთელმა 36 მატჩი ჩაატარა ყველა ტურნირზე, საკუთარი პირადი აქტივი კი 4 გოლით და 6 საგოლე გადაცემით შეავსო.