მიუხედავად იმისა, რომ "მანჩესტერ იუნაიტედის" ფრანგ ფეხბურთელ ენტონი მარსიალზე თითქმის მსოფლიოს ყველა სპორტული გამოცემა წერს და წერს იმას, რომ ის კლუბს ზაფხულის სატრანსფერო ფანჯრის გახსნისთანავე დატოვებს, განსხვავებულია კლუბის გადაწყვეტილება შემტევი ფეხბურთელის მიმართ.
"ოლდ ტრაფორდის" ხელმძღვანელობას ფეხბურთელის გასხვისება არ სურთ. ამის შესახებ ESPN - ის ჟურნალისტი ენდი მიტენი საუბრობს. აქამდე "წითელი ეშმაკების" მთავარ მწვრთნელმა განაცხადა, რომ კლუბი ზაფხულში შემტევ ფეხბურთელს არ დაიმატებდა, რაც ნიშნავს იმას რომ არსებული რესურსი გუნდში არ შესუსტდება.
მარსიალის მიმართ ინტერესს ევროპის წამყვანი ჩემპიონატების წამყვანი გუნდები გამოხატავენ. იტალიური "იუვენტუსი" კი ყველაზე აქტიურად ცდილობს ფრანგი სერია ა - ში გადაიყვანოს.
თავის მხრივ გერმანული ფეხბურთის დომინანტი მიუნხენის "ბაიერნიც" ჩაერთო საქმეში. ენტონის მსურველი თავად პრემიერ ლიგიდანაც გამოუჩნდა, ლონდონის "ჩელსი" და "ტოტენჰემ ჰოტსპურიც" ეცდებიან ნიჭიერი შემტევის გადაბირებას.