"მანჩესტერ იუნაიტედის" პირველი გუნდის წევრებმა დავიდ დე ხეა 2017/18 წლების სეზონის საუკეთესო მოთამაშედ დაასახელეს.
"იუნაიტედის" პირველმა ნომერმა აღიარება ჰპოვა თავისი დიდებული სეივებისა და კარგი თამაშის გამო "ლივერპულის", "არსენალისა" და "სევილიას" წინააღმდეგ მატჩებში.
დავიდი ერთადერთია, რომელმაც პრემიერ ლიგის მიმდინარე სეზონში 35 მატჩში მიიღო მონაწილეობა და იგი "მშრალი" მატჩების რაოდენობით ლიდერობს.
27 წლის ფეხბურთელს ჯილდო პირადად გადასცა გასული წლის გამარჯვებულმა ანტონიო ვალენსიამ. "ჩემი თანაგუნდელებისგან ამ ჯილდოს მიღება განსაკუთრებული შეგრძნებაა. თითოეული მათგანი მიყვარს. ჩვენ მეორე ადგილისთვის ვიბრძვით და ფინალში ვართ, მაგრამ ჩვენ "მანჩესტერ იუნაიტედი" ვართ და ეს საკმარისი არ არის.
თუმცა, კარგია სეზონის ტიტულით დასრულება და ამის "უემბლიზე" გაკეთება", - განაცხადა დავიდმა.
დე ხეა კლუბის ისტორიაში პირველია, ვინც სამჯერ მოიგო აღნიშნული ჯილდო და წინა შემთხვევები 2013/14 და 2014/15 წლებში დაფიქსირდა.
ჯილდოს პირველი მფლობელი რაიან გიგზი გახდა 2005/06 წლებში. ოქროს ბურთის ხუთგზის მფლობელი კრიშტიანუ რონალდუ და ვალენსია კი ორადორი ფეხბურთელია, რომელმაც ეს ჯილდო ორჯერ მოიგო.