დავიდმა ჯილდო მეოთხედ მოიგო.
დავიდ დე ხეა 2017/18 წლების სეზონში სერ მეტ ბასბის სახელობის წლის საუკეთესო ფეხბურთელად დასახელდა "მანჩესტერ იუნაიტედის" გულშემატკივრების მიერ.
აღნიშნული ჯილდო საიმედო ხელშია, ვინაიდან "იუნაიტედის" ისტორიაში იგი არასდროს მოუგია უფრო მეტჯერ, ვიდრე ესპანელს. ბოლო 5 სეზონში დავიდი მეოთხედ გახდა წლის საუკეთესო მოთამაშე, მანამდე კი გახდა კლუბის ისტორიაში პირველი ფეხბურთელი, რომელიც ზედიზედ სამჯერ დაეუფლა წლის საუკეთესო მოთამაშის ჯილდოს.
107 ათასზე მეტმა ადამიანმა მისცა ხმას ნომინანტებს და მისი 67% ერგო დე ხეას, მეორე ადგილზე გავიდა ჯესი ლინგარდი ხმების 10%-ით, ხოლო მესამე ადგილი 9%-ით დაიკავა რომელუ ლუკაკუმ.
აღსანიშნავია, რომ ბოლო 5 წელიწადში "იუნაიტედის" წლის საუკეთესო ფეხბურთელებად ესპანელები სახელდებოდნენ.
დავიდმა მიმდინარე სეზონში ყველა ტურნირზე უკვე 21-ჯერ მოახერხა კარის "მშრალად" შენახვა, რაც საუკეთესო შედეგია კლუბში მისი ყოფნის პერიოდში.
დე ხეა ასევე ახლოსაა კარიერაში პირველი ოქროს ხელთათმანის მოგებასთან - ჯილდო, რომელიც პრემიერ ლიგაში ყველაზე მეტი "მშრალი" მატჩის მქონე მეკარეს გადაეცემა. მისი ამჟამინდელი მონაგარი 17 და ორით უსწრებს უახლოეს მდევარ ედერსონს.
წყაროL:
manutd.com