პრემიერ ლიგის 35 - ტურში, "მანჩესტერ იუნაიტედმა" ლონდონის "არსენალს" უმასპინძლა და მინიმალური სხვაობით ანგარიშით 2-1 დაამარცხა. მატჩის შემდგომ ჟურნალისტებისთვის მიცემულ ინტერვიუში "წითლების" თავკაცმა განაცხადა, რომ ფრე აღნიშნულ შეხვედრაში უსამართლობა იქნებოდა "იუნაიტედისთვის".
"ვფიქრობ, რომ თუ მატჩი ფრედ დასრულდებოდა ეს ჩვენთვის უსამართლობა იქნებოდა. "არსენალი" კარგად გამოიყურებოდა, კარგად იცავდა თავს, თუმცა ჩვენ ვიყავით ერთადერთი გუნდი რომელსაც გამარჯვების მოპოვება სურდა. მატჩის მიწურულს არ გვიმართლებდა რადგან სეგვეძლო მეტის გატანა. უკანასკნელი 20 წუთი "იუნაიტედი" ძლიერად გამოიყურებოდა.
3 ქულა მოვიპოვეთ და გარანტირებული საგზური მომავალ სეზონში ჩემპიონთა ლიგისთვის. თუმცა კიდევ 4 ქულა გვჭირდება იმისთვის, რომ ასევე გარანტირებულად მოვიპოვოთ მეორე ადგილი ჩემპიონატში. ეს არის ის რასაც ამ მომენტში ვცდილობთ.
ცვლილებები? ვფიქრობდი, რომ მეტი ზეწოლა უნდა მოგვეხდინა მოწინააღმდეგის საჯარიმოსთან, სწორედ ამიტომ მარსიალისა და სანჩესის მოქმედებებით ორივე ფლანგი კარგად დავტვირთეთ. არსენ ვენგერს რაც შეეხება, ვფიქრობ ჩვენ მას კარგად ვუმასპინძლეთ". - განაცხადა პორტუგალიელმა Sky Sports - ისთვის მიცემულ ინტერვიუში.