დიდი ალბათობით "მადრიდის რეალის" უელსელი შემტევი გარეთ ბეილი ზაფხულის სატრანსფერო ფანჯრის გახსნისთანავე კლუბს დატოვებს.
ბეილს პრესა ყველაზე აქტიურად "მანჩესტერ იუნაიტედს" უკავშირებს. ჟოზე მოურინიოს უელსელის გადაბირება დიდი ხანია სურს.
თუმცა "წითელი ეშმაკებს" ამისთვის შესაბამისი ბრძოლაც მოუწევთ, რადგან გარეთ ბეილი "მანჩესტერ სიტისაც" მოუნდა. როგორც ჩანს "მანჩესტერულ" კლუბებს წინ ნამდვილად ცხელი ზაფხული ელოდებათ.
გვარდიოლას შემადგენლობის კიდევ უფრო გაძლიერება სურს. თავის მხრივ ორივე მწვრთნელი უელსელი გარემარბის დიდი გულშემატკივარია.
ფეხბურთელს მიმდინარე სეზონში, მეტი დრო უფრო სათადარიგო სკამზე აქვს გატარებული ვიდრე მოედანზე. ჯერ იყო ტრავმები, ხოლო გამოჯამრთელების შემდეგ, უკვე ზიდანმა მისი ნდობა დაკარგა და გარეთიც სათადარიგო სკამზე მოხვდა.
რაც შეეხება ბეილის პირად აქტივს, ლა ლიგაში ჩატარებული შეხვედრებიდან მის ანგარიშზე 12 გოლი და 2 საგოლე გადაცემა ირიცხება.