"იუნაიტედის" ჩილელი შემტევი ალექსის სანჩესი მიიჩნევს, რომ მისი ადაპტირება ახალ გუნდში ბოლომდე ჯერ კიდევ არ მომხდარა. შეგახსენებთ ალექსისი ზამთრის სატრანსფერო ფანჯარაზე შეიძინა კლუბმა ლონდონის "არსენალისგან".
"აქ ყველაფერი სრულიად განსხვავებულია. "იუნაიტედი" არის კლუბი დიდი ისტორიით, ჩვენ გვსურს ტიტულები მომავალ სეზონში. საჭიროა რომ პროგრესი განვაგრძოთ.
"მანჩესტერ იუნაიტედი" უდიდესი კლუბია, აქ მე ჯერ კიდევ განვიცდი ადაპტირების პერიოდს. მომავალს პოზიტიურად ვუყურებ, რადგან შემიძლია გავცე ყველაფერი რაც კი საკუთარ შესაძლებლობებში მაქვს.
"იუნაიტედში" ყველა შესაძლო ტურნირის მოგებას ვგეგმავ". - ციტირებს სანჩესის სიტყვებს კლუბის ოფიციალური ვებ - საიტი.
გადმოსვლის დღიდან დღემდე სანჩესმა "წითელი ეშმაკების" შემადგენლობაში 14 მატჩი უკვე ჩაატარა, გაიტანა 3 გოლი და 5 საგოლე გადაცემაც შეასრულა.