"მანჩესტერ იუნაიტედის' და ჩილეს ეროვნული ნაკრების წევრი ალექსის სანჩესი, ინგლისის ასოციაციის თასის ფინალის გასამართ შეხვედრაზე საუბრისას აცხადებს, რომ გადამწყვეტი თამაშის სალოკაციო ადგილი მის კარიერაში იღბლიანია.

"სიმართლეა ის, რომ მე რამდენჯერაც "უემბლის" სტადიონზე ვითამაშე გოლის გატანა შევძელი. არაერთი ტიტული მომიგია ამ სტადიონზე "არსენალში" ასპარეზობისას. გავიტანე ასევე ეროვნული ნაკრების შემადგენლობაში. "უემბლი" ჩემთვის წარმატების მომტანია.

ბედნიერები ვართ ფინალში თამაშის უფლების მოპოვებით. "ტოტენჰემის" წინააღმდეგ გამართული შეხვედრა, ჩემს "მანჩესტერულ" კარიერაში ჯერჯერობით ყველაზე გამორჩეული იყო". - აცხადებს სანჩესი კლუბის ოფიციალური საიტისთვის მიცემულ ინტერვიუში.

შეგახსენებთ, ნახევარფინალურ დაპირისპირებაში "მანჩესტერ იუნაიტედმა" ლონდონის "ტოტენჰემი" ანგარიშით 2-1 დაამარცხა, პირველი გოლის ავტორი "მანჩესტერელთა მხრიდან სწორედ ალექსის სანჩესი გახდა. გამარჯვების გოლი კი ანდერ ერერამ გაიტანა და "წითელ ეშმაკებს" ფინალის საგზური მოუპოვა. შეხვედრა სანჩესის მიერ პოზიტიურად ნახსენებ "უემბლის" სტადიონზე გაიმართა.