სასიამოვნო ინფორმაცია გავრცელდა "მანჩესტერ იუნაიტედის" გულშემატკივრებისთვის. აქამდე თუ პრესა აქტიურად იწერებოდა იმის შესახებ, რომ ანტუან გრიზმანი ზაფხულის სატრანსფერო ფანჯრის გახსნისთანავე კატალონიის "ბარსელონას" შეუერთდებოდა, დღეს საპირისპირო ცნობებს ვკითხულობთ.
ფრანგ შემტევს კატალონიურ გრანდში გადასვლა ისევ სურს, თუმცა იგივე სურვილი მსოფლიო ფეხბურთის სუპერ ვარსკვლავს ლიონელ მესის ჯერ კიდევ არ გამოუხატავს. ტრანსფერი სწორედ ამის გამო ჩიხშია შესული და დიდი ალბათობაა იმისა, რომ სულაც ჩაიშალოს.
Express - ის ცნობით, რომელიც ესპანურ სპორტულ გამოცემას წარმოადგენს, ოქროს ბურთის ხუთგზის მფლობელი ლიონელ მესი ანტუან გრიზმანის ტრანსფერით დაინტერესებული სულაც არ არის.
თუ არგენტინელმა "ბარსელონას" ხელმძღვანელობას 27 - წლის ფეხბურთელის ყიდვა არ ურჩია ტრანსფერი ჩაიშლება და "მანჩესტერ იუნაიტედის" დიდი ხნის სურვილი სავარაუდოდ ზაფხულში ახდება. ასე, რომ გრიზმანის "ოლდ ტრაფორდზე" გადმოსვლა მესიზეა დამოკიდებული.