"მანჩესტერ იუნაიტედი" მზად არის ახალი კონტრაქტი შესთავაზოს ნახევარმცველ მაიკლ კერიკს, კონტრაქტის თანახმად იგი კიდევ 2 წელი დარჩება გუნდში.
ყოფილი "ტოტენჰემელი" ამ გარიგების შემდეგ კვირაში 80 000 ფუნტს მიიღებს, მომავალ წელს კი შეიძლება კიდევ გაეზარდოს ხელფასი.
31 წლის ნახევარმცველს კონტრაქტი 2014 წელს უმთავრდება, ამიტომ "მანჩესტერ იუნაიტედი" შეთავაზებას ზაფხულში გააკეთებს.
"ეს ყველაფერი მეტნაკლებად უკვე შეთანხმებულია, მოლაპარაკება ადვილად წარიმართება რადგან ფეხბურთელს სურს დარჩენა"._განუცხადეს Goal.com_ს "იუნაიტედის" ბოსებმა.
"როგორც ვიცით კერიკით სხვა კლუბებიც ინტერესდებოდნენ, თუმცა ზაფხულში მხოლოდ ჩვენ გავუკეთებთ შეთავაზებას".
მას შემდეგ რაც რაიან გიგზი და პოლ სქოულზი 30 წელს გადასცდნენ მათ მხოლოდ მინიმალურ კონტრაქტს სთავაზობდნენ, რადგან როგორც წესი ფერგიუსონი დიდხანს არ აპირებს მათ დატოვებას რომლებიც კარიერის დასასრულს უახლოვდებიან. თუმცა ყოფილა გამონაკლისები.
სერ ალექს ფერგიუსონმა წინა თვეს შეაქო მაიკლ კერიკი და დასძინა, რომ მას დიდი წვლილი მიუძღვის 9 ქულიანი უპირატესობის მოპოვებაში.
"მე ვფიქრობ, რომ იგი დიდებულად თამაშობს. კერიკი ყველაფერს ბრწყინვალედ აკეთებს"._განაცხადა შოტლანდიელმა სპეციალისტმა.
2006 წელს "მანჩესტერ იუნაიტედმა" კერიკი £18.6 მილიონად შეიძინა. ინგლისელმა უკვე მოასწრო 300 შეხვედრის ჩატარება და როგორც წესი სეზონში 40 თამაშს თამაშობს. კერიკმა ოთხჯერ მოიგო პრემიერ ლიგა, ერთხელ ჩემპიონთა ლიგა, მსოფლიოს თასი და ლიგის თასი.
სიახლეები, ახალი ამბები, ინტერვიუები
10 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.