ცნობილი გახდა იმ ორივე გუნდის ვინაობა, ვინც წლევანდელ სეზონში, ინგლისის ასოციაციის თასის ფინალში ერთმანეთს დაუპირისპირდებიან. "იუნაიტედმა" მძიმე ბრძოლაში "ტოტენჰემი" დაამარცხა და ფინალის საგზური მოიპოვა.
თავის მხრივ წარმატებით იასპარეზა ანტონიო კონტეს გაწვრთნილ "ჩელსიმაც", არისტოკრატებმა "საუთჰემპტონს" არ მისცეს ნება ფინალში ეთამაშათ. მაშ ასე, გადამწყვეტ თამაშში ერთმანეთს მოურინიოს "იუნაიტედი" და კონტეს "ჩელსი" დაუპირისპირდებიან.
სახალისო კომენტარს აკეთებს "წითელი ეშმაკების" პორტუგალიელი დამრიგებელი, და აცხადებს, რომ თუ აღნიშნულ თასს ვერ მოიგებს ხალხი მზად იქნება მის მოსაკლავად.
"როდესაც ვერ ვიგებ მატჩებს, თქვენ მზად ხართ ჩემს მოსაკლავად. მე თითქმის ყოველთვის ვცდილობ შეხვედრებში წარმატებას მივაღწიო, ხოლო თუ ამას ვერ ვაკეთებ ხალხი მზად არის ჩემზე ხელი მარტივად აიღოს. იგივე განმეორდება იმ შემთხვევაშიც თუ ასოციაციის თასს ვერ მოვიგებ".- ციტირებს პორტუგალიელის სიტყვებს Sky Sports.
ასოციაციის თასის ფინალი, 19 მაისს "უემბლის" სტადიონზე გაიმართება.