ესპანური "სევილიას" ფრანგ ფეხბურთელმა კლემან ლენგლემ, ზაფხულის სატრანსფერო ფანჯრის გახსნისთანავე შესაძლოა კლუბი შეიცვალოს და კარიერა ან ისევ ლა ლიგაში ან ინგლისის პრემიერ ლიგაში გააგრძელოს.
აქამდე გავრცელებული ცნობებით, 22 წლის ფეხბურთელის შეძენის მთავარ პრეტენდენტად კატალონიის "ბარსელონა" სახელდებოდა. თუმცა დღეს გავრცელებული ცნობებით ცენტრალური მცველი "მანჩესტერ იუნაიტედსაც" მოუნდა. ჟოზე მოურინიო გუნდში დაცვის ხაზის გაძლიერებას გეგმავს, როგორც ჩანს ლენგლე ერთ-ერთი ვარიანტია. იუწყება- The Sun.
ლენგლე კარგ სეზონს ატარებს, პირადი მონაცემების კუთხით, აღსანიშნავი იყო მისი კარგი თამაში სწორედ "მანჩესტერ იუნაიტედის" წინააღმდეგ ჩემპიონთა ლიგის მერვედფინალურ დაპირისპირებაში სადაც "სევილიამ" სენსაციურად "ოლდ ტრაფორდზე" მოპოვებული გამარჯვებით "წითელი ეშმაკები" ტურნირს მიღმა დატოვა.
სატრანსფერო ღირებულება ფეხბურთელისა 20 მილიონ ფუნტ სტერლინგს შეადგენს, დაახკლოებით კი 23 მილიონ ევროს გადახდა მოუწევს მანჩესტერულ კლუბს ფეხბურთელის ყიდვის შემთხვევაში.
ახალი ამბები
5 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.