ჟოზე მოურინიოს ადრე გაკეთებული განცხადებით, "მანჩესტერ იუნაიტედი" ზაფხულის სატრანსფერო ფანჯარაზე თავდამსხმელს არ შეიძენდა, თუმცა საპირისპიროს წერს პრესა.
"იუნაიტედი" პრემიერლიგური "უოტფორდის" ბრაზილიელ ფორვარდ რიჩარლისონს უმიზნებს. ბრაზილიელი პრემიერ ლიგაში გასულ წელს ბრაზილიური "ფლუმინენსე" - დან გადმობარგდა. "უოტფორდმა ფეხბურთელში 11 მილიონი ევრო გადაიხადა და 5 წლიანი კონტრაქტიც გაუფორმა.
მიმდინარე სეზონში რიჩარლისონმა ჩატარებულ 12 შეხვედრაში "უოტფორდის" 9 გოლში მიიღო მონაწილეობა, 5 გოლი ფეხბურთელმა თავად შეაგდო ხოლო 4 საგოლე გადაცემკაც პირად ანგარიშზე მიითვალა.
გამომდინარე იქიდან, რომ შესაძლოა "იუნაიტედის" ფრანგ შემტევმა ენტონი მარსიალმა "ოლდ ტრაფორდი" დატოვოს, მოურინიოს გუნდში იბრაჰიმოვიჩის წასვლის შემდეგ პრაქტიკულად ლუკაკუს შემცვლელი არ ყავს, სწორედ რიჩარლისონმა შესაძლოა ეს ადგილი დაიკავოს. ახალგაზრდა ფეხბურთელმა, პრემიერ ლიგის პირველივე სეზონში ძალიან დიდი შთაბეჭდილება მოახდინა პუბლიკაზე.
რაც შეეხება სატრანსფერო ღირებულებას, "უოტფორდი" ფეხბურთელს 40 მილიონ ევროდ აფასებს. სწორედ დასახელებული თანხის გადახდა მოუწევს "იუნაიტედს" 20 წლის ფეხბუთელის შეძენის შემთხვევაში.