მოურინიო სტადიონის უპირატესობას არ აღიარებს.
ჟოზე მოურინიომ გააქარწყლა მოსაზრება იმის შესახებ, რომ "ტოტენჰემს" "უემბლიზე" თამაშის გამო ინგლისის თასის ნახევარფინალში უპირატესობა აქვს.
"დეზები" მიმდინარე სეზონში ეროვნულ სტადიონს იყენებენ საშინაო არენის სტატუსით და მიუხედავად იმისა, რომ მათი ახალი "უაით ჰართ ლეინი" უკვე აშენდა, საფეხბურთო ასოციაციამ უარი განაცხადა 9-წლიანი ტრადიციის დარღვევასა და ნახევარფინალის სხვა სტადიონზე დანიშვნაზე.
პრემიერ ლიგის ეგიდით ამავე სტადიონზე შემდგარ მატჩში "იუნაიტედი" უშანსოდ დამარცხდა "ტოტენჰემთან", მაგრამ მოურინიომ გაიხსენა თავისი შედეგები ესპანეთსა და იტალიაში მუშაობის პერიოდიდან.
მოურინიო "ინტერმა" 2010 წელს კოპა იტალიას ფინალში "სტადიო ოლიმპიკოზე" "რომა" დაამარცხდა, 3 წლის შემდეგ კი მისი "რეალი" მადრიდის "ბერნაბეუზე" "ატლეტიკოსთან" დამარცხდა კოპა დელ რეის ფინალში.
"მისმინეთ, "რომას" სტადიონზე "რომას" წინააღმდეგ ერთი თასის ფინალი ვითამაშე და მოვიგე. მე ვითამაშე თასის ფინალი სახლში და წავაგე.
ასე რომ, არა მგონია, ასეთ დიდ მომენტებში, ნახევარფინალსა და ფინალში, ამან უპირატესობა შექმნას. ზოგიერთ ქვეყანაში სათასო ნახევარფინალებიც კი კენჭისყრით ტარდება და ან სახლში თამაშობ ან გასვლაზე, მაგრამ არა ნეიტალურ სტადიონზე, როგორც ეს ინგლისშია, მაგრამ ეს ხომ ფეხბურთია.
ასე რომ, "ტოტენჰემისა" და "მანჩესტერ იუნაიტედის" მატჩს ისევე ვუდგები, როგორც "ჰადერსფილდი-"მანჩესტერ იუნაიტედის" მატჩს მივუდექი მეხუთე რაუნდში და როგორც "იუნაიტედი"-"ბრაიტონს" - მეოთხედფინალში "ოლდ ტრაფორდზე", ხან სახლში თამაშობ, ხან გასვლაზე.
ამჯერად გასვლაზე გვიწევს, მაგრამ ვერავითარ უპირატესობას ვერ ვხედავ, იგივეა, რაც "ოლდ ტრაფორდზე" თამაში".თუკი "დეზები" "იუნაიტედს" დაამარცხებენ, მოურინიო ბოლო 15 სეზონში მესამე უტიტულო სეზონს ჩაატარებს. "იუნაიტედის" მწვრთნელი არ აღიარებს, რომ მარცხი კატასტროფა იქნება.
"არა", უპასუხა, როცა ამის შესახებ ჰკითხეს".
წყარო:
M.E.N.