"იუნაიტედის" ყოფილი ფეხბურთელი, ბრაზილიელი რაფაელ და სილვა წარსულს იხსენებს და საუბრობს იმ დაპირისპირებაზე რაც მას გუნდის იმდროინდელ მთავარ მწვრთნელ ლუი ვან გაალთან ჰქონდა.
"როდესაც ცნობილი გახდა, რომ ვან გაალი გუნდს უხელმძღვანელებდა, მეგობარ ფეხბურთელებმა დამირეკეს და გამაფრთხილეს, რომ მას არ მოსწონს ბრაზილიელი ფეხბურთელები. მათ მაგალითად მოიყვანეს რივალდო, რომელიც "ბარსელონაში" ვან გაალის ხელმძღვანელობის დროს ასპარეზობდა. თუმცა ამ ყველაფრის მიუხედავად მე მათი არ მჯეროდა.
2014/15 წლების სეზონში, ვან გალმა მიხმო თავის კაბინეტში და მხოლოდ ორი სიტყვა მითხრა, რომ შემეძლო კლუბი დამეტოვებინა. ეს შეხვედრა მხოლოდ და მხოლოდ ერთი წუთი გაგრძელდა. "თქვენ შეგიძლიათ წახვიდეთ." ყველაფერი ეს იყო რითაც მისი საუბარი შემოიფარგლა. დაუყოვნებლივ კლუბი არ დამიტოვებია, თუმცა გუნდის დატოვება ძალიან მინდოდა და ეს ძალიან სამწუხარო იყო, რადგან "მანჩესტერ იუნაიტედი" ძალიან მიყვარდა.
ვან გაალმა შეხვედრის დასრულების შემდეგ, მოკლეტექსტური შეტყობინება გამომიგზავნა: "ხომ იცი ფეხბურთი როგორია". მე არ მჯეროდა იმის რაც წავიკითხე. მადლობა გადავუხადე ამ მესიჯისთვის, თავაზიანად მოვიქეცი იმ მომენტში, მაგრამ გული ძალიან დამიმძიმდა.
ვან გაალი არ არის ცუდი მწვრთნელი, მაგრამ მისი ხასიათი არ მომწონს. ერთხელ კლუბის კაფეტერიაში ვიჯექი, ვან გაალს ჩვევად ქონდა, როდესაც გუნდი ჭამას დაასრულებდა ის სასაუბროდ მოდიოდა, "იოვოლთან" მატჩის შემდეგ თავზე მცირე დაზიანება მქონდა, ვიჯექი და ამ დაზიანებას ფრთხილად ხელით შევეხე, ვან გაალი მოვიდა ჩემთან და მსგავსი რამ მითხრა: "რატომ არ მცემ პატივს?" მე მაშინვე ავდექი ფეხზე და ვუპასუხე: "ყოველთვის პატივის გცემდი, შენ მიმართ უპატივცემულობა არასდროს გამომიხატავს". გაწონასწორებული ადამიანი ვარ, მაგრამ მაშინ ძალიან გავბრაზდი. ამის შემდეგ ჩემთან ანტონიო ვალენსია მოვიდა და მითხრა, რომ "თამაშს ვეღარ შევძლებდი". ის თითქმის მართალი აღმოჩნდა - ძალიან იშვიათად გავდიოდი მოედანზე.
მე მიყვარს "მანჩესტერ იუნაიტედი", მაგრამ იმ დროს გუნდის დატოვება მინდოდა. ამ კლუბში ყველაფერი მიყვარდა იქ დარჩენა კი მხოლოდ ერთი ადამიანის გამო აღარ მსურდა და ეს ადამიანი ვან გაალი იყო".
შეგახსენებთ, ბრაზილიელი მცველი "მანჩესტერ იუნაიტედში" 2008 წლიდან 20015 წლამდე ასპარეზობდა.