ჟოზე მოურინიომ განაცხადა, რომ ინგლისის თასის ნახევარფინალურ მატჩში იგი "ბორნმუთთან" გამწესებული შემადგენლობისგან განსხვავებულ ძირითად თერთმეტეულს დააყენებს.

მწვრთნელმა "ალუბლებთან" შეხვედრაში "ვესტ ბრომთან" განცდილი მარცხის შემდეგ შვიდი ცვლილება განახორციელა შემადგენლობაში, რაც მეტწილად მომდევნო შეხვედრით იყო განპირობებული.

შეცვლილმა შემადგენლობამ "ვითელითი სტედიუმზე" კრის სმოლინგისა და რომელუ ლუკაკუს მიერ გატანილი გოლებით 2-0 იმარჯვა, მატჩის შემდეგ კი მოურინიოს ჰკითხეს, თუ ჰქონდათ ამ შეხვედრაში მონაწილე ფეხბურთელებს შანსი, რომ "უემბლიზე" ეთამაშატ.

"მე ვიტყოდი, რომ მოედანზე მყოფმა ყველა ფეხბურთელმა ჩაატარა პოზიტიური შეხვედრა და შაბათისთვის განაცხადი გააკეთეს.

არ ვიტყვი, რომ ფენომენალურად ითამაშეს. თითოეულმა მათგანმა ითამაშა კარგად და მითხრეს, რომ "ტოტენჰემის" წინააღმდეგ თამაში სურთ. შემადგენლობის გამეორებას არ ვაპირებ, აუცილებლად შევცვლი.

დასვენების საშუალება მივეცი მატიჩს, ანტონიო ვალენსიას, რათა მინიმუმ რამდენიმე მოთამაშე მყოლოდა ფორმაში. მაგრამ ყველა ფეხბურთელმა გამომიცხადა, რომ აქ სათამაშოდ არიან".

ანტონიო ვალენსიამ მართლაც სრულად დაისვენა, მაგრამ მატიჩი და ლუკაკუ მეორე ტაიმში მოედანზე გავიდნენ და მოსალოდნელია, რომ მომდევნო შეხვედრაში სამივე მათგანი ითამაშებს.

დეილი ბლინდმა კი 5 იანვრის შემდეგ პირველი შეხვედრა ჩაატარა ოთხშაბათს და მასაც შეუძლია თამაში.

მოედანს დაუბრუნდა ორთვიანი უქმობის შემდეგ ფილ ჯონსიც, რომელმაც სრული დრო გაატარა "ბორნმუთთან" შეხვედრაში.

ეს კი ნიშნავს, რომ სერხიო რომერო - რომელმაც ინგლისის თასის მიმდინარე გათამაშებაში ყველა რაუნდში ითამაშა - იქნება ერთადერთი, ვინც მატჩს გამოტოვებს და მას დავიდ დე ხეა ჩაანაცვლებს.

წყარო: manutd.com