მაიკლ კერიკი და დავიდ დე ხეა პოლ პოგბას ცალკე შეხვდნენ და რჩევები მისცეს, რათა "მანჩესტერ იუნაიტედში" მისი კარიერა გადაარჩინონ.

წყვილმა ნახევარმცველს ურჩია, რომ ჟოზე მოურინიოსთან თავისი მოსაზრებების სხვაობას საბოლოოდ დაუსვას წერტილი.

პოგბასა და მოურინიოს ურთიერთობა მიმდინარე სეზონში განხილვის საგნად იქცა და მწვრთნელი მის თამაშს საჯაროდაც აკრიტიკებდა.

კლუბთან დაკავშირებული წყარო აცხადებს: "მისი ვარჯიშის ან მსგავსი რამისადმი პრობლემა არ არსებობს, მაგრამ მოედანს მიღმა მის გარშემო მყოფი ადამიანები მისდა სასარგებლოდ აწყობენ შეთქმულებას.

თუმცა, მას აქვს პრობლემები და კლუბის ორი გამოცდილი მოთამაშე პირისპირ შეხვდა დახმარების იმედით.

განხილვის თემა ის იყო, რომ თანდათან მისი თამაში უარესდება და ეს ცუდ გავლენას ახდენს გუნდზე".

"იუნაიტედის" აღმასრულებელი დირექტორი ედ ვუდვორდიც ჩაერთო საქმეში და მან კლუბის ერთ-ერთ მფლობელთან შეთანხმებით მოითხოვა, რომ მწვრთნელსა და ფეხბურთელს შორის ურთიერთობა დასტაბილურდეს.

2016 წელს "იუვენტუსიდან" 89 მლნ. ფუნტად შეძენილი პოგბა ხშირად უცრუებს იმედებს გულშემატკივრებს და შესაძლებელია, რომ ზაფხულს "იუნაიტედი" დატოვოს.

მოურინიო ვერ ახერხებს ფრანგისგან მაქსიმუმის მიღებას, პოგბას აგენტი მინო რაიოლა კი თავისი კლიენტის სამსახურს მადრიდის "რეალსა" და "პარი სენ-ჟერმენს" სთავაზობს, თუმცა შესანიშნავად აცნობიერებს, რომ პოგბას სატრანსფერო ღირებულება და ხელფასი დიდი დაბრკოლება იქნება.

პოგბა "იუნაიტედის" რეკორდული შენაძენი გახდა 2016 წელს და მოურინიო მას სხვადასხვა პოზიციაზე იყენებდა, თუმცა ვერც ერთ მათგანზე თამაშისას ვერ ახდენდა თამაშზე ისეთ გავლენას, როგორსაც მისგან ელიან, ჟოზემ კი ცხადყო, რომ ფეხბურთელებს შემადგენლობაში მხოლოდ სატრანსფერო ღირებულებიდან გამომდინარე არ გაამწესებს.

თავად პორტუგალიელი სპეციალისტი პოგბას ასეთ ცუდ თამაშს არ აბრალებს ტრავმას, რომელიც მან გადაიტანა. ხშირად იყო შემთხვევა, რომ მოურინიო პოგბას ნაცვლად შემადგენლობაში ახალგაზრდა სკოტ მაკტომინეის ამწესებდა.

სწორედ ასეთ მდგომარეობაში დიდხანს მყოფი პოგბასთვის რჩევების მისაცემად გაისარჯნენ კლუბის გამოცდილი მოთამაშეები და მასთან პირადი შეხვედრა გამართეს.

წყარო: dailystar