"იუნაიტედის" პორტუგალიელ მენეჯერს ჟოზე მოურინიოს, მომავალ ზაფხულის სატრანსფერო ფანჯარაზე რამოდენიმე პოზიციაზე სურს ახალი ფეხბურთელის შეძენა. ერთი ასეთი პოზიცია არის მარცხენა მცველის, სადაც არადამაჯერბლად გამოიყურება ლიუკ შოუ, ხოლო ამ პოზიციის ძირითადი ფეხბურთელი ეშლი იანგი ნელნელა უკვე ასაკში შედის და როტაციას საჭიროებს.

"იუნაიტედში" მომსვლელ ერთ-ერთ კანდიდატურად, პარიზული "პსჟ"- ს მარცხენა მცველი ლევინ კურჟავა სახელდება. შესაძლოა 26 - წლის ფეხბურთელმა კარიერა "ოლდ ტრაფორდზე" გააგრძელოს. იუწყება - Mirror.

ამავე წყაროს ცნობით, ფრანგს პრემიერ ლიგიდან მსურველები მრავლად ყავს. ლონდონის "ჩელსის" და მაურო პოჩეტინოს "ტოტენჰემს" ასევე სურთ კურჟავას საკუთარ რიგებში ხილვა. შეიძლება ითქვას, რომ "იუნაიტედს" ფეხბურთელის შესაძენად მარტივი ნაბიჯების გადადგმა არ მოუწევს.

კურჟავამ მიმდინარე სეზონში "პსჟ"- ს შემადგენლობაში 25 მატჩი ჩაატარა, საკუთარ აქტივს კი 5 გოლი შესძინა. აღსანიშნავია ის ფაქტიც რომ ლევინს გუნდის ძირითად შემადგენლობაში გარანტირებული ადგილი არ აქვს.