პრემიერ ლიგაში მოპოვებული გამარჯვების შემდეგ, "მანჩესტერ იუნაიტედის" მთავარი საფიქრალი ინგლისის ასოციაციის თასის ნახევარფინალური შეხვედრაა, სადაც გუნდი, მოურისიო პოჩეტინოს "ტოტენჰემს" დაუპირისპირდება.
"ბორნმუთის" წინააღმდეგ გამართულ შეხვედრაში, შეცვლაზე შემოსულ რომელუ ლუკაკუმ გუნდი დააწინაურა და ანგარიში ორამდე გაზარდა. შეხვედრის შემდეგ ჟურნალისტებისთვის მიცემულ ინტერვიუში ლუკაკუმ განაცხადა რომ "ტოტენჰემის" წინააღმდეგ გასამართ მატჩისთვის გუნდი მზადყოფნაშია.
"დღევანდელ მატჩში გამარჯვება ჩვენთვის მნიშვნელოვანი იყო, დღეს ჩვენ შეგვიძლია იმის თქმა, რომ უიქ-ენდისთვის კარგად მოვემზადეთ. როგორც ფეხბურთელი, როდესაც თამაში გინდა ამისთვის ყოველთვის მზადყოფნაში უნდა იყო.
შესვენების დროს მწვრთნელმა პოგბას უთხრა, რომ რაც შეიძლება მეტი პასი გაეკეთებინა მოწინააღმდეგის საჯარიმოსკენ, მან ეს შესანიშნავად შეასრულა და მადლიერი ვარ იმით, რომ გატანილ გოლში ძალიან დამეხმარა".- განაცხადა დასასრულს ბელგიელ თავდამსხმელმა.