მოახლოებული ზაფხულის სატრანსფერო ფანჯარა ეჭვგარეშეა, რომ ინგლისურ გრანდ “მანჩესტერ იუნაიტედისთვის” რამოდენიმე საკადრო სიახლის მომტანი აღმოჩნდება.
კარიერას ამთავრებს დიდებული ვეტერანი ფეხბურთელი მაიკლ კერიკი, რომელიც სამწვრთნელო შტაბში გადაინაცვლებს. გუნდიდან სავარაუდო წამსვლელების სია კი ფართოდ გამოიყურება: მარუან ფელაინი, მატეო დარმიანი, დეილი ბლინდი, ლუკ შოუ, ენტონი მარსიალი და ახლა უკვე პრესა აქტიურად წერს პოლ პოგბას შესახებაც.
პოგბასთან დაკავშირებით აზრთა სხვადასხვაობაა. საქმე კი შემდეგში მდგომარეობს: გამომდინარე იქიდან, რომ ფეხბურთელსა და მწვრთნელს შორის გარკვეული ხნის უკან მცირე დაპირისპირება იყო, როგორც ჩანს ჟოზე მოურინიოს ეს ჯერ კიდევ არ დავიწყებია, მას კლუბიდან ფეხბურთელის გაშვება სურს.
რაც შეეხება კლუბის ხელმძღვანელობის აზრს ამ თემის მიმართ, ეს აზრი განსხვავებულია ჟოზე მოურინიოს აზრისგან რადგანაც მათ ფრანგი ნახევარმცველის გასხვისება არ სურთ. “ოლდ ტრაფორდის” ხელმძღვანელობას მიაჩნია რომ პოგბას კლუბისთვის სარგებლის მოტანა შეუძლია.