ტურინის "იუვენტუსის" არგენტინელი სუპერვარსკვლავი პაულო დიბალა შესაძლოა მომავალ ზაფხულში ევროპის სხვა ტოპ - ჩემპიონატში ვიხილოთ.
მისი შეძენის სურვილს "მანჩესტერ იუნაიტედის" მთავარი მწვრთნელი ჟოზე მოურინიო გამოთქვამს, რომელსაც პირადად სურს "ოლდ ტრაფორდზე" ფეხბურთელის გადმოყვანა.
Manchester Evening News - ის ცნობით, "წითელი ეშმაკუნები" ზაფხულის სატრანსფერო ფანჯრის გახსნისთანავე აუცილებლად მოამზადებენ "ბებერი ქალბატონისთვის" ფეხბურთელის შესახებ შეთავაზებას.
მიმდინარე სეზონში დიბალა სტაბილურ ფორმას ინარჩუნებს. "იუვენტუსის" მაისურით ყველა ტურნირზე ჩატარებულ 38 შეხვედრაში მან საკუთარი აქტივი 25 გოლით და 6 ასისტით გაამდიდრა.