ჟოზე მოურინიო აღნიშნავს, რომ "მანჩესტერ იუნაიტედის" ფეხბურთელებმა "ვესტ ბრომთან" განცდილი მარცხი უნდა დაივიწყონ და ყურადღება "ბორნმუთთან" შუა კვირაში გასამართ შეხვედრაზე გადაიტანონ.
"წითლები" გულშემატკივართა წინაშე კომპენსირებას ეცდებიან მოულოდნელი მარცხის გამო, რომელმაც "იუნაიტედს" ოფიციალურად დააკარგვინა ჩემპიონობისთვის ბრძოლის შანსი.
კლუბის ტელევიზიასთან საუბრისას მოურინიომ განაცხადა, რომ მის გუნდს კვლავ სჭირდება ქულები ოთხეულში შესასვლელად და ჩემპიონთა ლიგაზე მომდევნო სეზონში თამაშის უფლების მოსაპოვებლად.
"ჩვენ დავკარგეთ 3 ქულა, რომელიც მეორე ადგილზე დარჩენის დიდებულ შანსს მოგვცემდა. ჯერ კიდევ გვიწევს ოთხეულში მოხვედრისთვის ბრძოლა, რადგან "ჩელსიმ" გაიმარჯვა, ჩვენ კი დავმარცხდით".
"იუნაიტედს" წინ რთული კვირა ელის, ვინაიდან გუნდი 6 დღის შუალედში ჩაატარებს 3 მატჩს, რომელთაგან პირველი უკვე წააგო და უკანასკნელი ინგლისის თასის ნახევარფინალურ ეტაპზე გაიმართება.
"ფეხბურთელებში ზედმეტი თავდაჯერებულობა შეიჩმნეოდა, რადგან, როცა იგებ მატჩს, რომელიც არაფერს გაძლევს 3 ქულის გარდა, მაგრამ ისეთი რეაქცია გაქვს, თითქოს რაღაც მნიშვნელოვანი მოიგე - სამაგიეროს იღებ".
წყარო:
ინტერვიუები
5 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.