"მანჩესტერ იუნაიტედი" მომდევნო ზაფხულს წინასასეზონო ტურნეს აშშ-ში გამართავს ხუთი მატჩით, რომლის მსვლელობისას დაუპირისპირდება "ლივერპულს" და სხვა სახელოვან გუნდებს.

"იუნაიტედი" საერთაშორისო ჩემპიონთა თასზე ზედიზედ მეხუთეჯერ იასპარეზებს და კამპანიის ფარგლებში შეხვდება "მილანსა" და მადრიდის "რეალსაც".

ჟოზე მოურინიოს გუნდი ტურნირს ლოს-ანჯელესში გახსნის და პირველი მეტოქე 25 ივლისს "მილანი" იქნება.

3 დღის შემდეგ კი მიჩიგანში "იუნაიტედი" ისტორიულ მეტოქე "ლივერპულს" შეხვდება, რის შემდეგაც დაუბურნდებიან სტადიონს, სადაც სწრებადობით 2014 წელს მადრიდის "რეალთან" მატჩში რეკორდი დაამყარეს და 109,318 გულშემატკივარს მოუყარეს თავი.

სწორედ ამავე სტადიონზე შეხვდება "იუნაიტედი" მადრიდის "რეალს" 31 ივლისს მაიამიში.

ტურნირის დაწყებამდე 6 დღით ადრე "იუნაიტედი" ასევე ეწვევა ორ ადგილობრივ გუნდს, რომელსაც "კლუბ ამერიკა" და ვაკო ყაზაიშვილის "სან ხოსე ერტქუეიქსი" წარმოადგენენ.